15 Ӧд Сійӧ, коді артмӧдіс менӧ мам кынӧмын, артмӧдіс тшӧтш менсьым кесйӧгъясӧс. Ми – ӧти Енлӧн вӧчӧмторъяс.
Мыйӧн нӧ ми торъялам вокъясысь? Миян челядьным тшӧтш ӧткодьӧсь. Но миянлы быть лоӧ кесйӧг туйӧ вузавны ныв-пинымӧс. Кодсюрӧ нывъясным кесйӧг туйынӧсь нин. Ми нинӧм огӧ вермӧй вежны, ӧд муясным да виноград йӧръясным йӧз киын».
Тэныд ӧмӧй нимкодь дзескӧдны менӧ, ӧтдортны Ассьыд вӧчӧмтортӧ, а лёк йӧзлысь туйсӧ югдӧдны?
сэки мый меным вӧчны, кор Енмыс сувтас мыждыны, мый ме вочавидза Сылы?
Сійӧ оз сулав юралысьяс дор, озырӧс оз пукты гӧль дорысь вылӧджык, ӧд ставныс найӧ – Сылӧн вӧчӧмторъяс.
– Морт ӧмӧй вермас лоны Енмысь веськыдджыкӧн, аслас Вӧчысьысь сӧстӧмджыкӧн?
Коді дзескӧдӧ коньӧрӧс – омӧльтӧ сійӧс Вӧчысьӧс, коді бурӧ пуктӧ Енсӧ – отсалӧ гӧльяслы.
Озыр да гӧль морт ӧткодьӧсь, кыкнаннысӧ Господь вӧчӧма.
тшыгъялыськӧд юк няньтӧ, коньӧр шӧйтысьӧс вайӧд гортад, пасьтӧмӧс пасьтӧд, рӧдвужыдлӧн отсӧг корӧмысь эн бергӧдчы.
Абу-ӧ миян ставнымлӧн ӧти Бать? Эз-ӧ ӧти Ен вӧч миянӧс ставнымӧс? Мыйла, сідзкӧ, ми пӧръясьӧмӧн олам ӧта-мӧдкӧд, пежалам йитӧдсӧ, мый Енмыс кӧрталіс батьяснымкӧд?
