25 Кор Енмыс тӧврулы сетіс вын, кымӧръяслы мурталіс ва,
Дугӧдас кӧ зэрсӧ – ставыс косьмас, пондас кӧ дугдывтӧг кисьтны – муыс ойдас.
Тэ ӧмӧй тӧдан, кыдзи Енмыс веськӧдлӧ кымӧръясӧн, кыдзи чардбиыс югнитӧ Сылӧн кымӧрсянь?
Кӧні тэ вӧлін, кор Ме пукті муыслы подувсӧ? Висьтав, тӧдан кӧ.
Тӧдан-ӧ, коді индіс муыслы мурталан пассӧ? Коді муӧд нюжӧдіс мурталан кӧвсӧ?
Коді тупкис саридзлысь дзиръяяссӧ, кор ваыс му пытшсьыс ыльӧбтіс?
Сійӧ вӧчис ыджыд югзьӧданторъяс, Сылӧн буралӧмыс оз помасьлы.
Коді мурталіс васӧ аслас соддзӧн, коді мурталіс енэжсӧ кинас, коді веситіс мувывса буссӧ, вескиӧн тӧдмаліс керӧсъяслысь сьӧктасӧ?
