10 Гӧльяс ветлӧны пасьтӧгныс, кольтаяс новлӧдлігӧн асьныс тшыгъялӧны,
йӧз йӧрын найӧ пычкӧны олив вый, пычкан гуын виноград талялігӧн налӧн горшныс косьмӧ.
Ентӧг олысьяс торйӧдӧны батьтӧг кольӧм кагаӧс мам морӧс бердысь, гӧльлы уджйӧзӧн сетӧмысь босьтӧны сылысь кагасӧ.
ме кӧ эг тӧждысь муӧй вӧсна, кытысь сёйлі быдтассӧ, ме кӧ увтыртлі сэні уджалысьясӧс,
Сійӧ кӧ гӧль, узьны водтӧдзыд бӧр сет сылысь босьтӧмторсӧ.
Няньтӧ вундіганыд кӧ му вылӧ вунӧданныд кольта, энӧ бергӧдчӧй сыла. Мед сійӧ вичмас йӧз муысь локтысьлы, [гӧльлы,] батьтӧм-мамтӧмлы либӧ дӧвалы. Сэки Господь, тіян Енныд, бурсиас тіянӧс быд уджын.
Со, кылӧ тіян му вылын уджалысьяслӧн горзӧмыс, ӧд ті энӧ мынтысьӧй налы. Налӧн горзӧмыс воис Господь Саваофлӧн пельӧдзыс.
