7 Мыйла, бара-й, лёк йӧз олӧны на? Найӧ вынаӧсь да пӧрысь кадӧдз ёнӧсь.
Попъясӧс Сійӧ вӧтлӧ кӧмтӧгныс, юралысьясӧс чӧвтӧ,
Эмбур мырддялысьяслысь керкаяссӧ некод оз вӧрзьӧд, Енсӧ дӧзмӧдысьяс олӧны повтӧг, енмӧн лыддьӧны ассьыныс вынсӧ.
Мусӧ сетӧма лёк йӧзлӧн киӧ, а Сійӧ тупкӧ ёрдысьяслысь синсӧ. Коді тайӧс вӧчӧ, оз-ӧ Енмыс?
Сійӧ доровтіс енэжсӧ да лэччис, сувтіс кокнас сьӧд кымӧръяс вылӧ.
Быдторсӧ ме аддзылі аслам весьшӧрӧ олан лунъясӧ: веськыда олысь веськыдлунас кулӧ, лёк вӧчысь лёкас дыр олӧ.
Му вылас нӧшта эм сэтшӧмтор, мый артмӧ весьшӧрӧ: веськыда олысьӧс суӧ сійӧ, мый колӧ суны лёк вӧчысьӧс сылӧн уджъясыс серти, а лёк вӧчысьлы вичмӧ сійӧ, мый колӧ вичмыны веськыда олысьлы сылӧн уджъясыс серти. Вӧлӧмакӧ, и тайӧ весьшӧрӧ.
Тэ аддзылін пу, коді вӧлі ыджыд да ён, йывнас сійӧ инмис енэжӧдзыс, тыдаліс му помӧдзыс.
Тэнад синмыд – сӧстӧм, лёкыс да ылӧгыс вылӧ Тэ он вермы видзӧдны. Мыйла Тэ нинӧм он вӧч, а сӧмын видзӧдан ылӧдчысьяс вылӧ? Мыйла Тэ чӧв олан, кор лёк вӧчысь ньылыштӧ веськыда олысьӧс?
