12 Лёкыс Ентӧг олысьлы юмовтор кодь, пуктӧма сійӧс кыв улас,
Ань аддзис, мый вотӧсыс чӧскыд, пуыс синтӧ гажӧдӧ да кыскӧ ас дорас, ӧд сетӧ тӧдӧмлун. Ань нетшыштіс вотӧссӧ да сёйис, сэсся сетіс верӧсыслы, и сійӧ тшӧтш сёйис.
Давид шуис Урийлы: «Талун кольччыв на, а аски ме бӧр мӧдӧда тэнӧ тыш вылӧ». Урий кольччис.
Кыдзи вермас лоны сӧстӧмӧн пеж да шогмытӧм морт, кодлы лёк вӧчӧмыс ва юӧм кодь?
Ӧд Господь веськыда вӧчӧ, Сійӧ радейтӧ веськыдлунсӧ, веськыда олысьяс аддзасны Сылысь чужӧмбансӧ. Ошкӧм.
Ёрд водзын ылӧдлысь веськыда мыждӧмсӧ омӧльтӧ, лёк вӧчысь ылӧгсӧ сёйӧ-ньылалӧ.
Ылӧдлӧмӧн судзӧдӧм няньыд чӧскыд, но вомад сійӧ дзимбырӧ пӧрӧ.
Нимкодясь, зонмӧй, аслад том кадӧ, сьӧлӧмыд мед долыдасьӧ томдырйиыд. Ветлы, кытчӧ сьӧлӧмыд кыскӧ, кытчӧ синмыд видзӧдӧ, но тӧд, мый ставсьыс таысь Ен вайӧдас тэнӧ Аслас ёрд водзӧ.
Тэнад лёк вӧчӧмыд мыждас тэнӧ асьтӧ, Менӧ эновтӧмысь тэнӧ лоӧ чирыштӧма. Сідзкӧ, тӧд да гӧгӧрво, кутшӧм курыд шог тэнӧ суас сыысь, мый тэ эновтін Господьӧс, ассьыд Ентӧ, мый тэ пытшкын Меысь полӧмыс абу, – висьталӧ Ыджыдыс, Господь Саваоф.
