18 Муӧй, эн дзеб менсьым вирӧс, ырзӧм-бӧрдӧмӧй мед кылас на.
Ӧнісянь ёрӧма тэнӧ да вӧтлӧма аслад му вылысь, ӧд тайӧ муыс восьтіс вомсӧ да ньылыштіс вирсӧ вокыдлысь, кодӧс тэ виин.
Налысь лёк вӧчӧмсӧ эн вунӧд, налысь мыжсӧ эн прӧстит, ӧд найӧ ёна дӧзмӧдісны уджалысьястӧ.
Но менам кевмӧмӧй сӧстӧм, менам киӧй некодӧс эз вилы да эз дзескӧдлы.
Енэжас эм ме дор Сулалысьыс, медвыліас эм менӧ Дорйысьыс.
Сійӧс шогыс суас, но Енмыс оз кыв сылысь бӧрдӧмсӧ.
Ті нюжӧданныд Мелань кинытӧ, но Ме ог кӧсйы аддзыны тіянӧс. Ті ёна кевмысянныд, но Ме ог кыв тіянӧс. Тіян киныд вирӧсь.
Со, Господь петӧ Аслас оланінысь, медым мыждыны мувывса олысьясӧс налӧн мыжъясысь. Сэки муыс восьтас йӧзлысь кисьтӧм вирсӧ, оз нин кут дзеблавны виӧмаясӧс.
– Иуда му да сэні олысьяс, кывзӧй Господьлысь кывсӧ!
Ерусалим кар тырӧма вирӧн, вир кисьтісны изъяс вылӧ, муыс эз тупкы сійӧс.
