25 Ме вештыся тіянлы сійӧ вояссьыс, кор Ме ыстылі тіян вылӧ саранча, чиркъясӧс, гагъясӧс да лёльӧясӧс, медым тайӧ ыджыд тышкачукӧрыс сёйис быдтаснытӧ.
Найӧ вевттясны мутӧ, муыд весиг оз кут тыдавны. Шер бӧрся кольӧм веж быдмӧгтӧ да видз-му вывсьыд пуястӧ найӧ сёясны.
Вӧрӧг пӧрӧдас Египетлысь сук вӧрсӧ, – висьталӧ Господь. – Вӧрӧглӧн лыдыс саранча дорысь на унджык, сылысь тышкайӧзсӧ он вермы лыддьынысӧ.
Ме вынаӧн вӧча Иуда чужанкотырӧс, мезда Ӧсиплысь рӧдсӧ, Ме бурсьӧлӧмтча на дінӧ да бӧр вайӧда найӧс. Найӧ бара Менам лоӧны, быттьӧ Ме некор эг и эновтлы найӧс. Ме ӧд Господь, налӧн Ен, Ме кыла налысь кевмӧмсӧ.
Ме ог лэдз гагъяслы сёйны быдмӧгъяснытӧ, тіян виноградныд ӧтитӧг вотӧсалас, – висьталӧ Господь Саваоф. –
