15 Симон-Петыр да нӧшта ӧти велӧдчысь мунісны Исус бӧрся. Тайӧ велӧдчысьыс вӧлі тӧдса аркирейлы, та вӧсна сійӧ пырис Исускӧд аркирей йӧр пытшкӧ.
Аркирейяс, Индӧдӧ велӧдысьяс да юрнуӧдысьяс чукӧртчисны Каиаф аркирейлӧн керкаӧ.
Петыр бӧрӧ кольччӧмӧн вӧтчис Исус бӧрся аркирей керка дорӧдз. Пырис йӧрас да пуксис кесйӧгъяскӧд орччӧн би дорӧ шонтысьны.
Исусӧс кутысьяс вайӧдісны Сійӧс аркирей керкаӧ. Петыр бӧрӧ кольччӧмӧн вӧтчис на бӧрся.
Исусӧс кӧртавлӧмӧн Аннас мӧдӧдіс Сійӧс Каиаф аркирей дінӧ.
Асывводзнас Каиафсянь Исусӧс нуӧдісны римса юралысьлӧн керкаӧ. Иудейяслӧн веськӧдлысьяс эз пырны керка пытшкас, медым эз пежасьны да вермисны сёйны ыджыдлунся сёян.
