15 «Ме кӧ муса тіянлы, олӧй Менам тшӧктӧмъяс серти.
Езекей кутчысис Господь дінӧ, эз кежлыв Сыысь, оліс Сылӧн тшӧктӧмъяс серти, мый Сійӧ сетліс Мӧисей пыр.
Кодлы бать-мамыс Ме дорысь мусаджык, Меным сійӧ оз шогмы. Кодлы ныв-пиыс Ме дорысь мусаджык, Меным сійӧ оз шогмы.
Исус шуис: «Енмыс кӧ тіянлы Бать, Ме эськӧ муса вӧлі тіянлы, ӧд Ме Енсянь локті. Ме эг Ассянь лок, Енмыс мӧдӧдіс Менӧ.
Коді оз радейт Господь Исус Кристосӧс, сійӧс лоӧ ёрӧма. Маран-афа.
Тэ кӧ Исус Кристос пытшкын, вундыштчӧмыд-ӧ, абу-ӧ вундыштчӧмыд – тайӧ нинӧм оз сет. Колана сӧмын муслуна эскӧм.
Енлӧн буралӧмыс быдӧнкӧд, коді радейтӧ миян Господь Исус Кристосӧс бырлытӧм муслунӧн. Аминь.
Кристосӧс ті энӧ аддзылӧй, но Сійӧ муса тіянлы. Ті онӧ на аддзӧй Сійӧс, но эсканныд Сылы. Тіян сьӧлӧмныд тырӧма ыджыдсьыс-ыджыд нимкодьлунӧн, та йылысь он вермы весиг висьтавнысӧ.
Радейтны, сідзкӧ, овны Ен тшӧктӧмъяс серти. Дзик тайӧ тшӧктӧмсӧ ті кывлінныд водзысяньыс, сы серти и колӧ овны.
