22 Тшӧтш Тавераын, Массаын да Киврот-Хаттааваын ті скӧрмӧдінныд Господьӧс [ассьыныд Ентӧ].
Войтырыс шуасис Мӧисей вылӧ, корис ва. Мӧисей шуис: «Мыйла ті шуасянныд ме вылӧ? Мыйла дӧзмӧданныд Господьӧс?»
Татчӧсінлы Мӧисей сетіс Масса да Мерива ним, ӧд Израиль пиян дӧзмӧдісны Господьӧс да шуасисны: «Миянкӧд-ӧ Господь али абу?»
Та вӧсна тайӧ местасӧ шуисны Киврот-Хаттаава, ӧд сэтчӧ дзебисны горшасьысь йӧзӧс.
Мӧисей шуис Ааронлы: «Босьт тшынӧдчан доз да пукты сэтчӧ висьпуктанінысь ӧгырсӧ, пукты тшӧтш тшынӧдчантор да тэрмасьӧмӧн ну дозсӧ войтыр дінӧ. Вешты налысь мыжсӧ, ӧд Господь скӧрмис, и бырӧдӧмыс заводитчис нин».
Левий чужанкотыр йылысь Мӧисей шуис: – Туммимтӧ да уримтӧ Тэ сетін Аслад эскана кесъялысьлы, Тэ тӧдмалін сійӧс Массаын, вензин сыкӧд Мерива ва петанін дорын.
