22 Господь, тіян Енныд, кутас вочасӧн вӧтлыны тіян водзысь войтыръясӧс. Ті онӧ вермӧй бырӧдны найӧс регыдъя кадӧн, медым [муыс эз овтӧммы, и] звер лыдыс эз сод.
Талун ті тӧдмаланныд, мый Господь, тіян Енныд, мунӧ тіян водзвылын, кыдзи ставсӧ сотысь би. Сійӧ пасьвартас енак войтырӧс да сетас тіян киӧ. Ті босьтанныд налысь мусӧ да регыдъя кадӧн бырӧданныд найӧс. Тадзи висьталіс тіянлы Господь.
Ерусалимын олысь евуссаясӧс Иуда чужанкотыр эз вермы вӧтлынысӧ, та вӧсна евуссаяс ӧнӧдз олӧны Иуда чужанкотыркӧд Ерусалимын.
