22 Тайӧ кывъяссӧ Господь гораа висьталіс тіянлы ставныдлы керӧс вывсянь, би да сьӧд кымӧр [да бушков] пытшсянь. Сэсся та дінӧ нинӧм эз содты. Тайӧ кывъяссӧ Сійӧ гижис кык изпӧв вылӧ да сетіс меным.
Олӧй Сылӧн индӧд-тшӧктӧмъяс серти, мый Сійӧ гижис тіянлы. Кутчысьӧй Сылӧн тшӧктӧмъясӧ став олӧм чӧжныд да энӧ юрбитӧй мукӧд енъяслы.
Войтырыс сулаліс ылынкодь, а Мӧисей матыстчис сьӧд кымӧрлань, кӧні вӧлі Ен.
Господь шуис Мӧисейлы: «Кай Ме дінӧ керӧс вылӧ да виччысь тані. Ме сета тэныд изпӧвъяс, кытчӧ Ме гижи Индӧд да тшӧктӧмъяс, медым велӧдны войтырӧс».
Синай керӧсын Мӧисейкӧд сёрнитӧм бӧрын Ен сетіс сылы йитӧдлысь кык изпӧв, кытчӧ Аслас киӧн гижис кывъяссӧ.
Кывліс-ӧ кутшӧмкӧ войтыр тіян моз [ловъя] Енлысь би пытшсянь сёрнисӧ да ловйӧн колис?
Енэжсянь Сійӧ сетіс тіянлы кывны гӧлӧс шысӧ, медым велӧдны тіянӧс. Му вылын сійӧ петкӧдліс тіянлы Ассьыс ыджыд бисӧ, и ті кылінныд Сылысь кывъяссӧ би пытшсянь.
Кор керӧсыс ыпъяліс биӧн, и ті кылінныд пемыд пытшкысь гӧлӧс шы, сэки тіян юрнуӧдысьясныд да чужанкотыръяслӧн юралысьясныд матыстчисны ме дінӧ
Господь сёрнитіс тіянкӧд воча чужӧмӧн керӧсвывса би пытшсянь.
Ті матыстчинныд энӧ мувывса ыпъялысь керӧс дінӧ, паныдасинныд энӧ бушковкӧд да сап пемыдыскӧд,
