12 Сійӧ кӧ гӧль, узьны водтӧдзыд бӧр сет сылысь босьтӧмторсӧ.
Вокъяслы уджйӧзӧн сетӧмсьыд тэ босьтлін налысь коланаторсӧ, гӧльяслысь пӧрччӧдлін бӧръя паськӧмсӧ.
Гӧльяс ветлӧны пасьтӧгныс, кольтаяс новлӧдлігӧн асьныс тшыгъялӧны,
Батьтӧм-мамтӧмлысь мырддьӧны осёлсӧ, дӧвалы уджйӧзӧн сетӧмысь босьтӧны сылысь ӧшсӧ.
Найӧ узьлӧны пасьтӧгныс, налы нинӧмӧн вевттысьны кӧдзыдсьыс.
Ентӧг олысьяс торйӧдӧны батьтӧг кольӧм кагаӧс мам морӧс бердысь, гӧльлы уджйӧзӧн сетӧмысь босьтӧны сылысь кагасӧ.
Виччысь ывлаас, медым сійӧ ачыс петкӧдас, мый вермас сетны уджйӧз босьтӧмсьыс.
Шонді пуксьытӧдзыс бӧр сет сылы паськӧмсӧ, медым аслас паськӧмӧн водас узьнысӧ да бурсиас тэнӧ. Сэки тэ лоан аслад Господь Ен водзын веськыдӧн.
Йӧз муысь локтысьлысь да батьтӧм-мамтӧмлысь [да дӧвалысь] могъяссӧ видлалігӧн лоӧй веськыдӧсь. Дӧвалысь паськӧмсӧ уджйӧзӧн сетӧмсьыныд энӧ босьтӧй.
