Индӧд 17:2 - Коми Библия 2023

² Господьӧн, тіян Енмӧн, сетӧм карын кӧ айлов либӧ ань вӧчас Господь Енныд водзын шогмытӧмсӧ – торкас йитӧдсӧ, мый Сійӧ кӧрталіс тіянкӧд,

Индӧд 17:2 交叉參考

Ӧксыяслӧн 4 небӧг 18:12

Тайӧ ставыс суис Израиль войтырӧс сы понда, мыйла найӧ эз кывзысьны асланыс Господь Енлысь, торкисны Господьлысь йитӧдсӧ, мый Сійӧ кӧрталіс накӧд, торкисны став индӧд-тшӧктӧмсӧ, мый сетліс налы Мӧисей, Господьлӧн кесйӧг. Найӧ эз кывзыны сылысь тшӧктӧмъяссӧ да эз овны на серти.

Ӧксыяслӧн 4 небӧг 21:3

Манассей выльысь вӧчис вись ваян мылькъяс, кодъясӧс бырӧдліс Езекей батьыс. Лэптіс Вааллы висьпуктанінъяс, израильса Ахав ӧксы моз сувтӧдіс юрбитан пуяс, юрбитіс енэжвыв вынъяслы.

Иов 31:28

тайӧ эськӧ тшӧтш вӧлі мыжӧн, мыйысь колӧ мыждыны, тайӧ эськӧ вӧлі Медвылысса Енмысь соссьӧм.

Петӧм 22:19

Быдӧнӧс, коді узьлӧ пемӧскӧд, колӧ вины.

Петӧм 22:20

Коді вайӧ вись мукӧд енъяслы Господьлы кындзи, сійӧс мед лоӧ бырӧдӧма.

Еремей 31:32

Тайӧ йитӧдыс оз ло сэтшӧм, кутшӧмӧс Ме кӧрталі налӧн батьяскӧд, кор босьті найӧс киӧдныс да петкӧді Египет муысь. Ме вӧлі налӧн Ыджыдӧн, но найӧ торкисны йитӧдӧс, мый Ме кӧрталі накӧд, – висьталӧ Господь.

Еремей 34:18

Иудаса да ерусалимса юралысьяс, ыджыд чина йӧз, попъяс да тайӧ мусьыс став войтырыс торкисны сёрнитчӧмнысӧ да эз вӧчны сы серти, мый Ме водзын кӧсйысисны вӧчны, кор шӧрипӧв керыштісны ӧшпи туша да мунісны керыштӧм кык юкӧн костӧдыс. Найӧс ставнысӧ Ме сета

Езекиль 16:38

Ме мыжда тэнӧ верӧс вывті ветлысь гӧтырӧс да морт виысьӧс моз. Скӧралӧмӧн да вежӧгтӧмӧн кисьта тэнсьыд виртӧ.

Осий 6:7

Адам карын ті торкинныд йитӧдсӧ, сэні эскытӧмлунныд вӧсна эновтінныд Менӧ.

Осий 8:1

– Матыст вом дорад буксантӧ! Лёкыс кутш моз гӧгралӧ Господьлӧн керка весьтын, ӧд Менам войтырӧй торкисны йитӧдӧс, мый Ме кӧрталі накӧд, кыпӧдчисны Менам Индӧдлы паныд.

Левит 20:2

«Висьтав Израиль пиянлы: мед виасны мортӧс, коді сетас ныв-писӧ Молок идоллы. Израиль войтыр мед изъялас тайӧ мортсӧ, Израиль войтырысь-ӧ сійӧ либӧ йӧз муысь локтысь.

Левит 26:15

мустӧмтанныд-зывӧктанныд кӧ Менсьым индӧд-тшӧктӧмъясӧс, Менам тшӧктӧмъяс серти кӧ онӧ олӧй, а торканныд Менсьым йитӧдӧс,

Левит 26:25

Йитӧд торкӧмысь Ме вайӧда тіян вылӧ вӧрӧгӧс. Татшӧм ногӧн тіянлысь водзӧс перъя. Дзебсянныд кӧ асланыд каръясӧ, Ме мӧдӧда тіян вылӧ пӧрӧс висьӧм, сета тіянӧс вӧрӧг киӧ.

Индӧд 17:5

сэки сійӧс вӧчысь айловӧс либӧ аньӧс вайӧдӧй карса дзиръя дорӧ да изъялӧй кувтӧдзыс.

Индӧд 29:18

Но тіян пӧвстын мед оз лоны сэтшӧм айуловыс да аньыс, рӧдыс да чужанкотырыс, коді эськӧ кежис Господьысь, миян Енмысь, да кутіс юрбитны тайӧ войтыръяслӧн енъяслы. Мед оз ло тіян пӧвстын сэтшӧм мортыс, кодсянь петӧ яд да курыд зелля.

Индӧд 29:25

Налы вочавидзасны: ”Тайӧ лои сы вӧсна, мый найӧ кежисны Господьлӧн йитӧдсьыс. Тайӧ йитӧдсӧ Господь, батьясныслӧн Енмыс, кӧрталіс накӧд, кор петкӧдіс найӧс Египетысь.

Индӧд 31:20

Ме вайӧда найӧс [бур] муӧ, мый йылысь кыв сеті налӧн батьяслы, муӧ, кӧні визувтӧ йӧв да ма. Сэні найӧ кутасны пӧттӧдзныс сёйны да тшӧгасны. Та бӧрын найӧ бергӧдчасны мукӧд енъяслань да кутасны юрбитны налы. А Менӧ найӧ эновтасны да торкасны йитӧдӧс, мый Ме кӧрталі накӧд.

Индӧд 4:23

Видзчысьӧй, медым энӧ вунӧдӧй асланыд Господь Енлысь йитӧдсӧ, мый Сійӧ кӧрталіс тіянкӧд, да энӧ вӧчӧй аслыныд некутшӧм бӧлбанӧс да серпасалӧм идолӧс. Та йылысь ӧлӧдіс тіянӧс Господь, тіян Енныд.

Еврейяслы 10:28

Мӧисейлысь Индӧдсӧ торкысьӧс кӧ кык либӧ куим мортлӧн висьталӧм серти нем жалиттӧг мыждылісны кулӧм вылӧ,

Нав Исус 23:16

Ті кӧ торканныд асланыд Господь Енлысь йитӧдсӧ, мый Сійӧ кӧрталіс тіянкӧд, да кутанныд кесъявны-юрбитны мукӧд енъяслы, сэки Господьлӧн скӧрлуныс ӧзъяс тіян вылӧ, и регыдъя кадӧн ті быранныд тайӧ бур му вывсьыс, мый Господь сетіс тіянлы».

Нав Исус 7:11

Израиль войтыр мыж вӧчис. Найӧ торкисны йитӧдӧс, мый Ме кӧрталі накӧд. Меным сиӧмторйысь аслыныс юкӧн босьтісны. Тадзи найӧ гусясисны да гусялӧмторсӧ асланыс кӧлуй улас дзебисны.

Нав Исус 7:15

Кор лоӧ аддзӧма Господьлы сиӧмтор босьтысь мортӧс, сотӧй биын сійӧс да ставсӧ, мый сылӧн эм. Ӧд сійӧ шогмытӧмтор вӧчис Израильын да торкис Господьлысь йитӧдсӧ, мый Сійӧ кӧрталіс тіянкӧд».

Ёрдысьяс 2:20

Господь скӧрмис Израиль войтыр вылӧ да шуис: «Сыысь, мый тайӧ войтырыс торкис Менсьым йитӧдӧс, мый Ме кӧрталі налӧн батьяскӧд, да дугдіс кывзысьны Менсьым,

Ёрдысьяс 6:31

Но Йоас шуис налы: «Ті кӧсъянныд дорйыны Ваалӧс? Кӧсъянныд сылы отсавны? Коді кутас дорйыны Ваалӧс, сійӧс асылӧдзыс мед виасны. Ваал кӧ ен, мед ачыс асьсӧ дорйӧ, ӧд Гедеон жугӧдӧма сылысь висьпуктанінсӧ».