9 Став тэнад пеж уджъяссьыд Ме мыжда тэнӧ сідзи, кыдзи некор на эг мыждыв. И водзӧ тадзисӧ Ме ог вӧч.
Менсьым войтырӧс мыждӧма Содомысь чорыдджыка на. Содомӧс вӧлі бырӧдӧма здукӧн, весиг мортлӧн киыс эз инмӧдчыв.
Шыпурт помысь кулысьяс тшыглы кулысьяс дорысь шудаджыкӧсь, ӧд тшыгъялысь лунысь-лун омӧльтчӧ, нянь абутӧмысла кулӧ.
Ме вӧча тайӧ мусӧ овтӧминӧн сэні олысьяслӧн зывӧк уджъяс вӧсна. Сэки найӧ тӧдмаласны, мый Ме – Господь.
Сійӧ кадас локтас Микаил, ыджыд юралысь андел, тэнсьыд войтыртӧ дорйысь. Сэки пуксяс сьӧкыд кад, кутшӧм эз на вӧвлы войтыръяслӧн олан кадӧ. Но тэнад войтыр пӧвстысь мездмасны ставныс, кодъяслысь нимсӧ гижӧма Небӧгӧ.
Тэ збыльмӧдін Ассьыд кывтӧ, мый Тэ шуин миян йылысь да миян юралысь-веськӧдлысьяс йылысь. Тэ ыстін миян вылӧ ыджыд шог, татшӧм шогыс эз на вӧвлы му вылас, мый суис Ерусалим карӧс.
– Сӧмын тіянӧс Ме бӧрйи мувывса войтыръяс пӧвстысь, та вӧсна Ме мыжда тіянӧс мыжъяссьыныд.
Сэки ыджыд шог суас йӧзсӧ, татшӧмыс му пуксьӧмсяньыс эз на вӧвлы да оз нин ло.
