18 Вежа му юкӧн бокын коляс асыввылын да рытыввылын дас сюрс гырддза кузьта му. Тайӧ видз-муяс вылысь вотӧс-быдтасыс лоӧ карса уджалысьяслы.
Вежа му юкӧн бокысь торйӧдӧй карлы вит сюрс гырддза пасьта да кызь вит сюрс гырддза кузьта му юкӧн, кӧні лоӧны Израиль войтырлӧн керкаясыс.
Кар гӧгӧрыс лоӧны видзьяс. Войвывладорсянь, лунвывладорсянь, асыввывладорсянь да рытыввывладорсянь тайӧ восьсаиныс лоӧ кыксё ветымын гырддза кузьта.
Карса уджалысьяс, кодъяс лоӧны став Израиль чужанкотырысь, мед вӧдитӧны тайӧ мусӧ.
Тайӧ лунсяньыс Исус уджӧдіс [гаваонса олысь] хивейясӧс, налы ковмис керавны пес да ваявны ва Израиль войтырлы, а сідзжӧ Господьлӧн висьпуктанінӧ. Сійӧ местаас, мый бӧрйӧма Господь, найӧ ӧнӧдз вӧчӧны тайӧ уджсӧ.
