Езекиль 47:16 - Коми Библия 2023

¹⁶ сэтысянь мунас Берота карӧдз, сэсся мунас Дамаск да Хамат муяс костын сулалысь Сивраим карӧдз, водзӧ – Хавран му дорын сулалысь Хацер-Тикон карӧдз.

Езекиль 47:16 交叉參考

Езекиль 48:1

«Израиль чужанкотыръяслӧн нимъяс серти муясыс татшӧмӧсь. Войвылын лоӧ Дан чужанкотырлӧн муыс. Сылӧн войвыв мудорыс нюжӧдчас Хетлон туйӧд Лево-Хаматӧдз, водзӧ Хацар-Энан карӧдз. Дамаск да Хамат муяс лоӧны мудор войвывладорын. Тайӧ муыс асыввывсянь саридз дорӧдз лоӧ Данлӧн.

Ӧксыяслӧн 2 небӧг 8:8

Бетаысь да Беротайысь, Ададезерлӧн каръясысь, Давид ӧксы вайис зэв уна ыргӧн. [Сыысь Соломон вӧчӧдіс вайӧртӧд, сюръяяс, мыссян дозъяс да мукӧд дозъяс.]

Лыд 13:21

Вына-ӧ муыс, сетӧ-ӧ сійӧ бур быдтас? Быдмӧны-ӧ сэні пуяс? Лоӧй повтӧмӧсь, вайӧй сэтысь вотӧс». Сэки вӧлі виноград кисьман кад.

Закар 9:2

Дамасккӧд орччӧн сулалысь Хамат кар бӧрся, зэв сюсь Тир да Сидон каръяс бӧрся.

Олӧм 14:15

Войнас сійӧ юкліс ассьыс тышкайӧзсӧ чукӧръяс вылӧ, уськӧдчис Лотӧс пленӧ босьтысьяс вылӧ да пасьвартіс найӧс. Ловйӧн кольысьясӧс вӧтӧдісны Дамаск войвывладорса Ховаӧдз.

Ап. уджъяс 9:2

да корис сысянь дамаскса синагогаясӧ гижӧд, медым Исуслы эскысь айуловӧс да аньясӧс позис кӧртавны да вайӧдны Ерусалимӧ.

Амос 6:14

Израильсаяс, кывзӧй, – висьталӧ Господь Ен Саваоф. – Ме кыпӧда тіянлы паныд войтырӧс. Найӧ кутасны дзескӧдны тіянӧс быдлаын Лево-Хаматсянь Арава сёнӧдз.

Езекиль 47:17

Тадзи войвыв мудорыс мунас саридз дорсянь Хацар-Энан карӧдз. Дамаск да Хамат муяс лоӧны мудор войвывладорын.

1 Каднебӧг 18:5

Цоваса Ададезер ӧксылы отсӧг вылӧ локтісны Дамаскысь арамейяс. Но Давид пасьвартіс найӧс, виис кызь кык сюрс мортӧс.

Ӧксыяслӧн 3 небӧг 8:65

Сійӧ лунъясӧ Соломон став Израиль войтыркӧд пасйис гаж. Лево-Хаматсянь Египет мудорса шорӧдз израильсаяс чукӧртчисны Соломонкӧд ӧтвыв тайӧ гаж вылас. Асланыс Господь Ен водзын найӧ гажӧдчисны сизим лун чӧж, сэсся нӧшта на гажӧдчисны сизим лун – ставнас дас нёль лун. [Крам дорын найӧ сёйисны-юисны да кевмысисны Господь Ен водзын.]

Лыд 34:8

а Ор керӧссянь – Лево-Хаматӧ да водзӧ Цедадӧдз.

Исай 10:9

Калне усис Каркемис моз, Хамат – Арпад моз, Самария – Дамаск моз.

Езекиль 27:18

Дамаск ньӧбасис тэнсьыд, ӧд тэнад лыдтӧм-тшӧттӧм вузӧсыд кыскис сійӧс тэ дінӧ. Ачыс сійӧ вузаліс тэныд хелбонса вина да еджыд вурун.

Езекиль 47:18

Асыввылын мудорыс мунас Хавран да Дамаск муяс костті, Галаад да Израиль муяс костын мудорыс мунас Йӧрдан юті асыввыв саридз дорӧдз. Тайӧ асыввыв мудор.

Езекиль 47:20

Рытыввыв мудорнас лоӧ Ыджыд саридз. Мудорыс мунас лунвывсянь Лево-Хамат весьтӧдз. Тайӧ рытыввыв мудор.