9 Крамбердса жыръяслӧн ортсы стенмыс вӧлі вит гырддза пасьта. Жыръяс водзын вӧлі восьсаин.
Крамбердса жыръясысь петісны ывлаӧ войвывладор ӧдзӧсӧд да лунвывладор ӧдзӧсӧд. Восьсаинӧдз ветлан туйыс вӧлі вит гырддза пасьта, сійӧ кытшовтіс крам.
Морт мурталіс крам стенсӧ, сійӧ вӧлі квайт гырддза кызта. Крам стен бердын куимладор бокас вӧліны жыръяс. Пасьтанас найӧ вӧліны нёль гырддза.
Морт петкӧдіс менӧ ортсы йӧрӧ войвыв пыранінӧд да вайӧдіс керка дорӧ, мый сулаліс крамбокса восьсаин войвывладорын, крам сайын сулалысь керкасянь войвылынджык.
Сё гырддза кузьта керка водзас вӧлі ветланін, сійӧ вӧлі дас гырддза пасьта да сё гырддза кузьта. Керкалӧн ӧдзӧсъясыс видзӧдісны войвывлань.
