9 Израильсаяс петасны каръяссьыныс, пестасны би да шыбитасны сэтчӧ вӧрӧглысь шыпуртъяссӧ, ичӧт да ыджыд сайӧдъяссӧ, ньӧввужъяссӧ да ньӧвъяссӧ, зоръяссӧ да шыяссӧ. Сизим во чӧж найӧ кутасны сотны вӧрӧглысь тышкасян кӧлуйсӧ.
Енмыс ӧксыалӧ войтыръяс вылын, Сійӧ пукалӧ Аслас вежа пуклӧсын.
Найӧ петасны да аддзасны шойяссӧ налысь, кодъяс кыпӧдчисны Меным паныд. Найӧс сёйысь номырыс оз кувлы, найӧс сотысь биыс оз куслы. Найӧ лоӧны зывӧкторйӧн став йӧзыслы.
Видз-муяс вылысь да вӧрысь налы оз ковмы ваявны пес, ӧд вӧрӧглӧн тышкасянторъясыс лоӧны налы пес пыдди. Израиль войтыр куштас найӧс, кодъяс сійӧс куштісны, мырддяс мырддялысьяслысь эмбурсӧ, – висьталӧ Господь Ыджыдыс.
Тайӧ ставыс збыльмас, – висьталӧ Господь Ыджыдыс. – Воас сійӧ луныс, мый йылысь Ме висьталі.
Сійӧ пасьвартас Ефремысь тарантасъяссӧ, бырӧдас Ерусалимысь вӧвъяссӧ, чегъялас тышкасян ньӧввужъяссӧ. Сійӧ юӧртас войтыръяслы лӧнь олӧм йылысь, пондас юравны саридзсянь саридзӧдз, Ефрат юсянь му помӧдз.
Ті асланыд синмӧн аддзанныд тайӧс да шуанныд, Господь пӧ ыджыдалӧ тшӧтш Израильӧс кытшалысь муяс вылын!
Господь шуис Исуслы: «Эн пов наысь. Аски тайӧ кадас Ме сета израильса тышкайӧзлы пасьвартны найӧс. Вӧвъясныслысь кок сӧнсӧ вундав, а тарантасъяссӧ сот».
