Езекиль 3:20 - Коми Библия 2023

²⁰ Веськыда олысь кӧ кежас веськыдлунысь да кутас вӧчны лёксӧ, сэки Ме потшӧсала сылысь туйсӧ, и сійӧ крукасяс да кулас. Тэ кӧ он ӧлӧд сійӧс, сійӧ аслас мыж вӧсна кулас, и сылысь веськыдлуна олӧмсӧ лоӧ вунӧдӧма. Сылӧн вирысь Ме водзӧс перъя тэнсьыд.

Езекиль 3:20 交叉參考

2 Каднебӧг 24:2

Иодай поплӧн олан кадӧ Йоас вӧчис Господь водзын шогманасӧ.

2 Каднебӧг 25:15

Господь ёна скӧрмис Амасей вылӧ да мӧдӧдіс сы дінӧ пророкӧс. Сійӧ шуис Амасейлы: «Мыйла тэ юрбитан мукӧд войтырлӧн енъяслы? Тайӧ енъясыс эз вермыны мездыны ассьыныс войтырсӧ тэнад киысь».

Псалтыр 125:5

Синва сорӧн кӧдзысьяс пондасны вундыны нимкодьпырысь.

Псалтыр 36:3

Лача кут Господь вылӧ да вӧч бурсӧ, ов му вылас да видз збыльсӧ.

Шусьӧгъяс 25:12

Мывкыд мортлӧн ӧлӧдӧмыс сійӧс кывзысьлы пельтӧ мичмӧдысь зарни исерга кодь.

Исай 64:6

Ми ставным пежӧсь, миян веськыдлунным няйтчӧм паськӧм кодь, ми ставным косьмӧм коръяс кодьӧсь, миян мыжъясным тӧвныр моз нӧбӧдӧны миянӧс.

Исай 8:14

Сійӧ лоӧ вежа крамнас и крукасян изнас, кытчӧ крукасясны Израильлӧн кыкнан ӧксы рӧдыс, сійӧ лоӧ лэчкӧн да тывйӧн Ерусалимын олысьяслы.

Еремей 34:16

Но сэсся ті вежинныд ассьыныд шуӧмнытӧ да янӧдінныд Менсьым нимӧс – ті бӧр бергӧдінныд ассьыныд кесйӧгъяснытӧ, кодъясӧс налӧн кӧсйӧм серти лэдзинныд вӧля вылӧ. Кесйӧгъясӧс моз ті бара уджӧданныд найӧс.

Еремей 6:21

Та вӧсна Господь тадзи висьталӧ: «Ме пукта тайӧ войтырыслы мытшӧдъяс. Сэтчӧ крукасясны батьясныс и пиянныс, ёртъясныс и орччӧн олысьясныс, и ставныс найӧ куласны».

Езекиль 14:3

«Морт пиӧй, тайӧ йӧзыс сьӧлӧмнас кӧртасьӧмаӧсь идолъяс дінӧ. Син водзаныс найӧ сувтӧдӧмаӧсь мыжас уськӧданторъяс. Та бӧрти Ме ӧмӧй вочавидза налы?

Езекиль 18:24

Веськыда олысь кӧ кежас аслас веськыдлунысь да лёк вӧчысь моз пондас вӧчны зывӧксӧ, кутас-ӧ сійӧ овны? Сылысь веськыд уджъяссӧ лоӧ вунӧдӧма. Менӧ эновтӧм да мыж вӧчӧм вӧснаыс сійӧ кулас.

Езекиль 18:26

Веськыда олысь кӧ кежас аслас веськыдлунысь да пондас лёксӧ вӧчны, сійӧ кулас аслас лёк вӧчӧм вӧсна.

Езекиль 3:18

Кор Ме шуа лёк вӧчысьлы, мый сійӧ кулас, а тэ он ӧлӧд, медым сійӧ бергӧдчас лёк туй вывсьыс да ловйӧн коляс, сэки лёк вӧчысь кулас мыж вӧснаыс. Но сылӧн вирысь Ме водзӧс перъя тэнсьыд.

Езекиль 33:18

Веськыда олысь кӧ кежас аслас веськыдлунысь да пондас лёксӧ вӧчны, сійӧ кулас.

Езекиль 33:6

Локтысь тышкайӧзӧс аддзигӧн кӧ видзысь оз буксы буксанӧн да оз юӧрт войтырыслы вӧрӧг локтӧм йылысь, сэки вӧрӧг локтас да виас йӧзӧс. Быдӧн кулас аслас мыж вӧсна, но шыпурт улӧ веськалӧм мортлӧн вирысь Ме водзӧс перъя видзысьлысь.

Езекиль 7:19

Найӧ эзысьнысӧ ывлаӧ шыбитасны, зарнинысӧ пежӧн лыддясны. Господьлӧн скӧралан лунӧ эзысь ни зарни оз мезды найӧс, ӧд эзысь-зарнитӧ он сёй, кынӧмтӧ наӧн он пӧткӧд. Буретш эзысь-зарниӧ найӧ крукасисны, мыжас вӧйисны.

Даниил 9:18

Енмӧй, копырт Ассьыд пельтӧ да кывзы, восьт Ассьыд синтӧ да видзӧдлы пазӧдӧм карным вылӧ, мый сиӧма Тэнад нимлы. Ми кевмысям Тэныд огӧ асланым веськыдлун вылӧ лача кутӧмӧн, а Тэнад ыджыд буралӧмыд вылӧ лача кутӧмӧн.

Левит 19:17

Эн мустӧмт матыссатӧ, а ӧлӧд сійӧс, медым сыкӧд ӧтвылысь мыж улас эн шед.

Софоний 1:6

бырӧда найӧс, кодъяс кежисны Меысь, оз корсьны Менӧ, оз кӧсйыны аддзыны Менӧ, Господьӧс.

Матвей 18:15

«Вокыд кӧ мыж вӧчас тэныд паныд, мун да ас кежаныд янӧд сійӧс. Кывзас кӧ тэнӧ, сійӧ тэныд вокӧн кольӧ.

Лука 2:34

Симеон бурсиис найӧс да шуис Мариялы, Исус мамлы: «Тайӧ кагаыс понда Израильын унаӧн усясны да унаӧн сувтасны. Сійӧ – Енсянь индысьпас. Унаӧн кутасны мунны Сылы паныд,

Лука 8:15

Бур муӧ кӧдзӧм кӧйдысыс петкӧдлӧ: мортыс кылӧ Енлысь кывсӧ, видзӧ сійӧс бур-сӧстӧм сьӧлӧмас да сьӧкыдлунсӧ венӧмӧн вайӧ вотӧс». Тайӧс висьталӧм бӧрын Исус горӧдӧмӧн шуис: «Кодлӧн эм пель, мед кылӧ!»

Римӧ 11:9

Давид висьталӧ: – Сёянныс мед лоӧ налы тывйӧн да налькйӧн, налысь мед лоӧ водзӧс перйӧма.

1 Коринфӧ 1:23

а ми висьталам тувъялӧм Кристос йылысь. Иудейяс крукасьӧны тайӧ висьталӧмас, а грекъяс лыддьӧны тайӧс йӧйталӧмӧн.

Индӧд 13:3

но ті сылысь кывъяссӧ энӧ кывзӧй. Ӧд тадзи Господь, тіян Енныд, кӧсйӧ тӧдмавны, радейтанныд-ӧ ті Господьӧс, ассьыныд Ентӧ, став сьӧлӧмнад да став олӧмнад.

Еврейяслы 10:38

Веськыда олысь эскӧмнас кутас овны, а кежас кӧ Меысь, Меным сійӧ оз шогмы.

Еврейяслы 13:17

Кывзысьӧй вичкоса веськӧдлысьяслысь, кывзӧй найӧс, ӧд найӧ дугдывтӧг тӧждысьӧны тіян вӧсна. Налы ковмас вочавидзны Ен водзын тіян вӧсна. Кывзысьӧй налысь, медым тайӧ уджсӧ найӧ вӧчисны долыдпырысь, а эз ышлолалӧмӧн. Ӧд таысь тіянлы бурыс оз ло.

1 Петыр 2:8

Найӧ крукасьӧны, ӧд Ен кывйыслысь оз кывзысьны. Тадзи налы шуӧма лоны.

1 Иоан 2:19

Найӧ петісны миян пӧвстысь, но найӧ эз вӧвны миянкӧд ӧтув. Вӧліны кӧ миянкӧд ӧтув, кольччисны эськӧ миянкӧд. Но налӧн петӧмыс висьталӧ, мый найӧ абу миянкӧд.