22 Корас кӧ, сетӧй сылы эзысьсӧ весиг сё талант мында, шабдісӧ сё кор мында, винасӧ сё бат мында да олив выйсӧ сё бат мында, а совсӧ – артавтӧг.
Ме, Артаксеркс ӧксы, Авар-Нахара муын озырлун видзысьяслы тшӧкта: ставсӧ, мый корас тіянлысь Ездра поп, енэжвывса Енлӧн Индӧдӧ велӧдысь, сетӧй нюжмасьтӧг.
Енэжвывса Енлысь крамсӧ лэптігӧн вӧчӧй ставсӧ Сылӧн тшӧктӧм серти [и крам лэптӧмлы паныд энӧ сувтӧй], медым Енлӧн скӧрлуныс эз лэччы ӧксылӧн муыс да сылӧн пияныс вылӧ.
Бӧчка мында олив выйысь колӧ вайны батлысь дасӧд пайсӧ. Ӧти хомерӧ моз ӧти бӧчкаӧ тӧрӧ дас бат.
Став нянь висьнытӧ солалӧй, солавтӧм вись энӧ вайӧй, ӧд солыс петкӧдлӧ тіян Енлысь йитӧдсӧ, мый сійӧ кӧрталіс тіянкӧд. Та вӧсна [Господьлы, асланыд Енлы] став вайӧмторнытӧ солалӧй.
