3 Та вӧсна сылы колӧ вайны вись оз сӧмын йӧзлӧн мыжъяс вӧсна, но и аслас мыжъяс вӧсна.
Войтырлӧн мыжысь вись пыдди Аарон мед начкас ай кӧзаӧс. Вирсӧ мед пыртас Вежаинын ӧшалысь дӧра сайӧ да ӧш вирӧн моз мед резас Йитӧд кудлысь вевт вывсӧ да вевт водзсӧ.
Сэсся Аарон ас вӧснаыс мед ваяс мыжысь вись пыдди ӧшкӧс, тадзи вештас ассьыс да гортсаясыслысь мыжсӧ.
Ааронлы Мӧисей шуис: «Матыстчы висьпуктанін дорӧ да вай мыжысь висьтӧ да сотан висьтӧ, медым вештыны ассьыд мыжтӧ да войтырлысь мыжсӧ. Сэсся вай войтырлысь висьсӧ, медым вештыны налысь мыжсӧ, кыдзи тшӧктіс Господь».
Ме висьтавлі тіянлы медколанаторсӧ, мый ачым босьті сьӧлӧмӧ: Гижӧдыс серти Кристос куліс миян мыжъяс вӧсна.
Кристос ӧтчыдысь вайис мыж вӧсна вись да пуксис Ен веськыдладорӧ пыр кежлӧ.
Мукӧд аркирейлы моз Сылы абу колана быд лун вись вайны медводз аслас мыжъяс вӧсна, сэсся йӧзлӧн мыжъяс вӧсна. Ӧд Сійӧ вайис нин Асьсӧ вись пыдди ӧтчыдысь да пыр кежлӧ.
Мӧд вежӧсас сӧмын ӧтчыдысь вонас пырліс аркирей. Аскӧдыс сійӧ вайліс вир аслас мыжъяс вӧсна да йӧзлӧн тӧдтӧг вӧчӧм мыжъяс вӧсна.
