10 Ӧд мортыс кӧ пырӧма нин Енлӧн шойччанінӧ, сійӧ Енмыс моз шойччӧ аслас уджъясысь.
Став Ассьыс уджсӧ помалӧм бӧрын Ен шойччис сизимӧд луннас.
Винасӧ видлӧм бӧрын Исус шуис: «Ставсӧ вӧчӧма!» Сэсся нёровтіс юрсӧ да лэдзис ловсӧ.
Пиыс – Енлӧн яръюгыд дзирдлуныс, Сылӧн пертасыс. Пиыс ставсӧ кутӧ Аслас вына кывнас. Аслас вирнас Сійӧ мыськаліс миянлысь мыжъяснымӧс да пуксис Медыджыдыслӧн веськыдладорӧ енэжас.
Кристос ӧтчыдысь вайис мыж вӧсна вись да пуксис Ен веськыдладорӧ пыр кежлӧ.
Сідзкӧ, Ен войтырлӧн шойччӧгыс водзын на.
Сэсся ме кылі енэжсянь гӧлӧс шы. Сійӧ шуис меным: «Гиж тайӧс: ”Шудаӧсь найӧ, кодъяс ӧнісянь куласны Господьлы эскӧмӧн. Тайӧ тадзи, – шуӧ Лов. Найӧ кутасны шойччыны асланыс сьӧкыд уджъясысь, ӧд налӧн уджъясыс мунӧны на бӧрся”».
Сэки быдӧнлы налы сетісны еджыд паськӧм да тшӧктісны виччысьыштны, кытчӧдз оз тыр на моз виӧм уджъёртъясныслӧн да вокъясныслӧн лыдыс.
