29 Эскӧмӧн Израиль войтыр вуджис Гӧрд саридз вомӧн. Найӧ мунісны сэті косінті моз. Египетсаяс тшӧтш на моз кӧсйисны вуджны, но ставныс вӧйисны.
Миян батьяс водзын Тэ шӧри поткӧдін саридз, и найӧ вуджисны сійӧс косінті. На бӧрся вӧтчысьясӧс Тэ вӧйтін джуджыд саридзӧ, изйӧс моз шыбитін бузгысь ваӧ.
Енмӧй, войтыръяс мед ошкасны Тэнӧ, став войтыръяс мед нимӧдасны Тэнӧ.
А ми, Тэнад войтырыд, Тэнад йӧрысь ыжъясыд, кутам помтӧг нимӧдны Тэнӧ, кутам ошкыны Тэнӧ чужысьяссянь чужысьясӧдз.
Мӧисей шуис войтырыслы: «Энӧ полӧй. Сулалӧй да видзӧдӧй, кыдзи Господь талун мездас тіянӧс. Египетса йӧзӧс, кодъясӧс ті ӧні аддзанныд, сэсся онӧ нин аддзылӧй.
Израиль пиян мӧдӧдчисны саридз шӧрӧд косінтіыс. Налӧн веськыдладорсянь и шуйгаладорсянь ваыс сулаліс стен моз.
Мӧисей нюжӧдіс кисӧ саридзлань, и асъядорыс ваыс бӧр кутіс визувтны важ мозыс. Египетсаяс пышйисны ва паныдыс. Тадзи Господь вӧйтіс саридз шӧрӧ египетсаӧс.
Ми кывлім, кыдзи Господь [Ен] тіян водзын косьтӧма Гӧрд саридзсӧ, кор ті петӧмныд Египетысь. Ми кывлім, мый ті вӧчӧмныд Йӧрдан ю сайын олысь аморейяслӧн Сигон да Ог ӧксыяскӧд. Ті бырӧдӧмныд найӧс,
