26 Оз пуктыны тэнсьыд изтӧ пельӧс из пыдди, оз босьтны тэнсьыд изтӧ подув пуктыны. Тэ пыр кежлӧ лоан овтӧминӧн, – висьталӧ Господь.
Ме вӧча сійӧс ёжъяслы оланінӧн да нюрӧн, чышкышта сійӧс бырӧдан роскӧн, – висьталӧ Господь Саваоф.
Но сизимдас во кольӧм мысти Ме мыжда вавилонса ӧксыӧс да сылысь войтырсӧ налӧн лёк вӧчӧмъясысь, – висьталӧ Господь. – Налысь Калдея мусӧ Ме пыр кежлӧ вӧча овтӧминӧн.
Муыс дзӧрӧ-тіралӧ, ӧд Вавилон йылысь Господьлӧн шуӧмыс инӧ, Господь вӧчӧ Вавилонӧс овтӧминӧн, кӧні олысьыс оз ло.
Вавилон лоӧ из чукӧрӧн, шакалъяслӧн оланінӧн, сійӧ лоӧ повзьӧдчанторйӧн, сійӧс кутасны лёкӧдны, сэні олысьыс оз ло.
Вавилонса каръяс кушмисны, Вавилон лои кос муӧн да овтӧминӧн, сэні некод оз ов, сэті некод оз ветлы.
