23 Тэӧн Ме пасьвартлі ыж-мӧскӧс да найӧс видзысьяссӧ, му вӧдитысьӧс и сылысь уджалан ӧшъяссӧ, ыджыдалысьясӧс и юралысьясӧс.
Тэӧн Ме пасьвартлі айловӧс и аньӧс, пӧрысьӧс и томӧс, зонмӧс и нылӧс.
Израиль войтыр, тіян син водзын Ме мынтыся Вавилонлы да Калдея муын олысьяслы став лёксьыс, мый найӧ вӧчисны Сионын, – висьталӧ Господь.
– Ме коддзытӧдзныс юктӧда вавилонса юралысьясӧс, тӧдысьясӧс, ыджыдалысьясӧс да тышкайӧзӧс. Найӧ унмовсясны пыр кежлӧ да оз садьмыны, – висьталӧ Ӧксы, кодлӧн нимыс Господь Саваоф.
