25 Ыджыдыс, Господь Саваоф, восьтіс Ассьыс видзанінъяссӧ, босьтіс сэтысь Ассьыс скӧрлуна тышкасянторъяссӧ, медым Калдея муын вӧчны Ассьыс уджсӧ.
Та вӧсна ми огӧ полӧй, весиг муыс кӧ кутас вӧрны, керӧсъяс кӧ усясны саридз пыдӧсӧ,
Визувтысь юяс гажӧдӧны Енлысь карсӧ, Медвылыссалысь вежа оланінсӧ.
Кодӧс суӧдасны – сійӧс бытшкасны, кодӧс вӧтӧдасны – сійӧс шыпуртӧн виасны.
Быд боксянь горзӧмӧн уськӧдчӧй Вавилон вылӧ! Вавилон сетчӧ, башняясыс усьӧны, стенъяссӧ жуглӧны, ӧд Господь водзӧс перйӧ сылысь. Водзӧс перйӧй! Вӧчӧй сылы сійӧ жӧ, мый сійӧ вӧчис.
– Вавилон, тэ – Менам мӧлӧтӧй, Менам тышкасянторйӧй, тэӧн Ме пасьвартлі войтыръясӧс, тэӧн пазӧдлі муяс.
Ме сувта тэныд паныд, Вавилон, тэ – бырӧдысь керӧс, бырӧдан ставнас мусӧ, – висьталӧ Господь. – Ме лэпта киӧс тэ вылӧ, шыбита тэнӧ изкырта вывсянь, вӧча тэнӧ сотчӧм керӧсӧн.
Господь куштӧ-пазӧдӧ Вавилон, Сійӧ пуктас пом вавилонсаяслӧн шызьӧмлы. Найӧ ызгӧны ыджыд гыяс моз, кылӧ налӧн гора шыныс.
Карас кӧ кылӧ буксан шы, войтырыс ӧмӧй оз повзьы? Суас-ӧ карӧс шог, оз кӧ Господь тайӧс лэдз?
Та вӧсна ӧти лунӧ суас сійӧс став бырӧданторйыс: кулӧмыс, шогыс да тшыгъялӧмыс. Сійӧс сотасны биын, ӧд Господь Ен, сійӧс Мыждысьыс, – вына!
