16 Господь унаӧс уськӧдіс, найӧ усьласисны ӧта-мӧд выланыс да шуалісны: «Чеччӧй, бӧр бергӧдчамӧй ас войтыр дінӧ, мунам асланым чужан муӧ, пышъям дзескӧдысьлӧн шыпуртысь».
Египетлӧн медалӧм тышкайӧзыс тшӧгӧдӧм ӧшпиян кодьӧсь, но весиг найӧ уськӧдчисны пышйыны. Найӧ котӧртӧны, оз сувтлыны, ӧд воис найӧс бырӧдан луныс, воис найӧс мыждан кадыс.
Тэрыб кока оз вермы пышйыны, вына морт оз мездмы. Войвылын, Ефрат ю дорын, найӧ крукасясны да усясны.
Бырӧдӧй Вавилонысь нянь кӧдзысьясӧс, бырӧдӧй чарлаӧн вундысьясӧс. Дзескӧдысьлӧн шыпуртысь быдӧн мед бергӧдчас аслас войтыр дінӧ, пышъяс аслас муӧ.
– Ми зілим бурдӧдны Вавилонӧс, но сійӧ эз бурд. Эновтӧй сійӧс! Быдӧн мунамӧй асланым муӧ, ӧд Вавилонӧс мыждӧмыс сэтшӧм ыджыд, мый воис енэжӧдз, кыпӧдчис кымӧръясӧдз.
