16 Попъяслы да Иуда войтырлы ме юӧрті: «Господь тадзи висьталӧ: энӧ кывзӧй ассьыныд пророкъяснытӧ, кодъяс юӧртӧны тіянлы, мый Вавилонысь регыд бӧр ваясны Господьлӧн крамлысь дозмук-кӧлуйсӧ. Ӧд тайӧ пророкъясыс тіянлы ылӧгсӧ юӧртӧны.
Навукодоносор босьтіс Господьлӧн крамысь да ӧксы керкаысь став озырлунсӧ. Сійӧ жугліс став зарни дозмук-кӧлуйсӧ, мый коркӧ вӧчліс израильса Соломон ӧксы Господьлӧн крамын кесъялӧм вылӧ. Тадзи иніс Господьлӧн шуӧмыс.
Юрыс – тайӧ юрнуӧдысьяс да нималана йӧз, а бӧжыс – тайӧ ылӧгвелӧдысь пророкъяс.
Ӧд найӧ юӧртӧны тіянлы ылӧгсӧ, медым ылыстны тіянӧс асланыд муысь. Кывзанныд кӧ найӧс, Ме вӧтла тіянӧс, и ті куланныд.
Энӧ кывзӧй пророкъясӧс, кодъяс юӧртӧны тіянлы, мый онӧ кутӧй кесъявны вавилонса ӧксылы. Ӧд тайӧ пророкъясыс тіянлы ылӧгсӧ юӧртӧны.
Кык во мысти Ме бӧр бергӧда тайӧ карас Господьлӧн крамлысь став дозмук-кӧлуйсӧ, мый вавилонса Навукодоносор ӧксы босьтіс татысь да нуис Вавилонӧ.
Навукодоносор киӧ Господь сетіс иудаса Ехояким ӧксыӧс да Енлӧн крамысь дозмук-кӧлуй. Навукодоносор нуис тайӧ дозмук-кӧлуйсӧ Сеннар муӧ, аслас енлӧн крамӧ, да пуктіс найӧс крамса озырлун видзанінӧ.
