26 Гаал, Эведлӧн пиыс, вокъясыскӧд локтісны Сикемӧ да овмӧдчисны сэтчӧ. Сикемсаяс пондісны лача кутны Гаал вылӧ.
Ӧврам шуис Лотлы: «Ми ӧд рӧдвуж тэкӧд. Мыйла миянлы да миян ыж-мӧс видзысьяслы зыксьынысӧ?
да шыасис: «Вокъяс, энӧ вӧчӧй налы лёксӧ.
Сикемын олысьяс сувтӧдісны керӧсъяс вылӧ йӧзӧс, медым найӧ уськӧдчисны ветлысь-мунысьяс вылӧ да куштісны найӧс. Тайӧ кывсис Авимелеклы.
Ӧтчыд сикемсаяс петісны чукӧртны виноград вотӧс. Пычкан гуын вотӧссӧ талялӧм бӧрын чукӧртчисны гажӧдчыны. Найӧ мунісны асланыс енлы юрбитанінӧ, сёйисны-юисны да ёрисны Авимелекӧс.
Эведлӧн Гаал пиыс шуис: «Коді сійӧ Авимелекыс, медым ми, сикемсаяс, кесъялім сылы? Сійӧ ӧд Еровааллӧн пиыс, и Зевулӧс пуктіс юралысьӧ. Энӧ кесъялӧй Авимелеклы, а кесъялӧй Сикемлӧн Хамор батьыссянь чужысьяслы.
Кор Зевул, Сикем карса юралысь, кыліс Эведлӧн Гаал пилысь кывъяссӧ, ёна скӧрмис.
