Ёрдысьяс 3:11 - Коми Библия 2023

¹¹ Нелямын во чӧж Израиль муын эз вӧвны тышъяс. Сэсся Кеназлӧн Отниэл пиыс куліс.

Ёрдысьяс 3:11 交叉參考

1 Каднебӧг 4:13

Кеназлӧн вӧліны Отниэл да Серай пиян. Отниэллӧн вӧлі Хатат нима пи.

Неемий 9:28

Кор найӧ олісны лӧня, найӧ бара вӧчисны лёксӧ Тэныд паныд. Сэки Тэ сетлін найӧс дзескӧдысьяс киӧ, кодъяс ыджыдалісны на вылын. Но найӧ бара горзӧмӧн шыасьлісны Тэ дінӧ, и Тэ кылін найӧс енэжсяньыс, Аслад ыджыд буралӧмыд вӧсна Тэ унаысь мездылін найӧс.

Эсфир 9:22

Ӧд тайӧ лунъясӧ иудейяс мынтӧдчисны вӧрӧгысь, тайӧ тӧлысяс шогыс бергӧдчис налы нимкодясьӧмӧ, бӧрдӧмыс – гажӧдчӧмӧ. Мед тайӧ лунъясӧ найӧ гажӧдчасны да нимкодясясны, мед ысталасны матыссаясыслы чӧскыдторъяс да гӧльяслы козинъяс.

Нав Исус 11:23

Тадзи Исус босьтіс ставнас мусӧ, кыдзи Господь висьталіс Мӧисейлы. Исус юкліс мусӧ Израильлӧн чужанкотыръяслы. Тышъяс бӧрын тайӧ муас пуксис лӧнь кад.

Нав Исус 15:17

Карсӧ босьтіс Кеназлӧн [медічӧт] Отниэл пиыс. Кеназ вӧлі Калевлӧн вокыс. Калев ассьыс Акса нывсӧ сетіс Отниэл сайӧ.

Ёрдысьяс 3:10

Господьлӧн Лолыс вӧлі Отниэл вылын. Сійӧ вӧлі ёрдысь и Израиль войтырӧн веськӧдлысь. Отниэл петіс тышӧ, и Господь сетіс сылӧн киӧ Месопотамияысь Кушан-Ришатаим ӧксыӧс. Тадзи Кушан-Ришатаим шедіс Отниэллӧн кипод улӧ.

Ёрдысьяс 3:12

Израиль пиян бара кутісны вӧчны Господь водзын шогмытӧмсӧ. Та вӧсна Господь кыпӧдіс моавса Эглон ӧксыӧс Израиль войтырлы паныд.

Ёрдысьяс 3:30

Сійӧ лунӧ израильсаяс вермисны моавсаясӧс. Кӧкъямысдас во чӧж Израиль муын эз вӧвны тышъяс. [Эхуд кувтӧдзыс вӧлі Израиль войтырлы ёрдысьӧн.]

Ёрдысьяс 3:9

Но Израиль пиян шыасисны Господь дінӧ, и Господь сувтӧдіс Израиль пиянлы мездысьӧс, Кеназлысь Отниэл писӧ. Кеназ вӧлі Калевлӧн ичӧт вокыс.

Ёрдысьяс 5:31

Господьӧй, тадзи мед бырасны Тэнӧ мустӧмтысьяс. Но Господьӧс радейтысьяс мед лоасны шонді кодьӧсь, аслас вынӧн кыпӧдчысь шонді кодьӧсь. Та бӧрын нелямын во чӧж Израиль муын эз вӧвны тышъяс.

Ёрдысьяс 8:28

Израиль пиян вермисны мадиансаясӧс, и найӧ эз нин кыпӧдчывны израильсаяслы паныд. Гедеон дырйи нелямын во чӧж Израиль муын эз вӧвны тышъяс.