16 Войтырлӧн юрнуӧдысьяс шуисны: «Венямин чужанкотырысь аньясӧс бырӧдӧма. Кытысь миянлы нӧшта корсьны гӧтыръясӧс ловйӧн кольӧм айуловлы?»
Израиль войтырлӧн сьӧлӧмыс нормис Венямин чужанкотыр вӧсна, ӧд Господь лэдзис, мый израильса чужанкотыръяс пӧвстын вӧлі зыксьӧм.
Сэсся содтісны: «Венямин чужанкотырлы вичмӧдӧм муыс мед кольӧ Венямин чужанкотыр пӧвстысь ловйӧн кольӧмаяслы. Израиль войтыр пӧвстысь мед оз быр ни ӧти чужанкотыр!
