Ёрдысьяс 20:9 - Коми Библия 2023

⁹ Пудъясьӧм бӧрын ми уськӧдчам Гива кар вылӧ.

Ёрдысьяс 20:9 交叉參考

1 Каднебӧг 24:5

Найӧс юклісны пудъясьӧмӧн, ӧд Енлӧн вежаинын юралысьясыс вӧліны кыкнан рӧдсьыс: Элазарлӧн да Итамарлӧн рӧдысь.

Неемий 11:1

Израиль войтырлӧн юралысьяс олісны Ерусалимын. Войтырыс пудъясьӧмӧн индіс быд дасӧд мортӧс, коді овмӧдчас вежа Ерусалим карӧ, тадзи ӧкмысыс кольччис овны аслас карӧ.

Шусьӧгъяс 16:33

Паськӧм дорышӧ пудсӧ шыбитан, но кодлы пудйыс усяс – тайӧ Господьсянь.

Иона 1:7

Кывтысьяс шуисны ӧта-мӧдныслы: «Пудъясям, мед тӧдны, код вӧсна миянӧс суис тайӧ шогыс». Пудъясисны да, петкӧдліс Иона вылӧ.

Ап. уджъяс 1:26

Сэсся пудъясисны на вӧсна. Пудйыс уси Матфийлы, сійӧс и индісны дас кыкӧд апостолнас.

Нав Исус 14:2

Мусӧ юклісны пудъясьӧмӧн ӧкмыс чужанкотырлы да [Манассейлӧн] джын чужанкотырлы, кыдзи Господь тшӧктіс Мӧисей пыр.

Ёрдысьяс 20:10

Израильлӧн став чужанкотырысь быд сё мортысь ми босьтам дасӧс, быд сюрс мортысь – сёӧс, дас сюрсысь – сюрсӧс. Найӧ мед ваясны сёян тышкайӧзлы, кодъяс мунасны Венямин чужанкотырлӧн Гива карӧ, медым сэтчӧс олысьяслысь водзӧс перйыны сыысь, мый Израильын найӧ вӧчисны пежсӧ».

Ёрдысьяс 20:8

Став войтырыс ӧтитӧг сувтіс да шуис: «Огӧ разӧдчӧй гортаным, огӧ мунӧй чомъясаным.