47 Ловйӧн кольӧм квайтсё мортыс пышйисны овтӧминӧ, Риммон изкыртаӧ, да олісны сэні нёль тӧлысь чӧж.
Господь Саваоф кӧ эз видз коляс войтырсӧ, ми эськӧ бырим Содом моз, миянӧс эськӧ суис сійӧ жӧ, мый Гомораӧс.
– Мыжъясным мыждӧны миянӧс, но Тэ, Господьӧй, отсав миянлы Аслад нимыд ради. Ми унаысь эновтлім Тэнӧ, мыж вӧчим Тэныд паныд.
Мӧдӧдӧ кӧ шогсӧ, Сійӧ и бурсьӧлӧмтчӧ, ӧд Сылӧн бурлуныс ыджыд.
Господьӧй, ме кылі Тэ йылысь, ме повзи Тэнад уджъясысь. Вӧч Ассьыд уджъястӧ тшӧтш миян лунъясӧ, сет бара аддзывны найӧс талун. Скӧралігад ло бур сьӧлӧма миян дінӧ.
Ерусалимсянь лунвыв муыс Гевасянь Риммонӧдз лоӧ ластаӧн. Ерусалим кар сувтас важ местаас, кыптас ставсьыс вылӧ. Сійӧ паськӧдчас Венямин дзиръясянь Воддза да Пельӧс дзиръяясӧдз, Хананел башнясянь ӧксылӧн виноград пычкан гуӧдз.
Ставнас Венямин чужанкотырлӧн шыпурта тышкайӧз пӧвстысь сійӧ лунӧ куліс кызь вит сюрс вына тышкаморт.
Израильсаяс бӧр локтісны Венямин муӧ да виисны шыпуртӧн сэтчӧс каръясысь став йӧзсӧ да налысь ыж-мӧснысӧ, а каръяссӧ сотісны.
Та бӧрын израильсаяс мӧдӧдісны йӧзӧс Риммон изкыртаын олысь Венямин чужанкотыр дінӧ, медым юӧртны налы, мый водзӧ оз петны налы паныд тышӧ.
