44 Венямин чужанкотыр воштіс дас кӧкъямыс сюрс вына тышкамортӧс.
Венямин чужанкотырын вӧлі комын вит сюрс нёльсё морт.
Господь сетіс израильсаяслы вермыны Венямин чужанкотырӧс. Сійӧ лунӧ израильсаяс виисны Венямин чужанкотырысь кызь вит сюрс сё шыпурта тышкамортӧс.
Израильсаяс кытшӧ босьтісны Веняминсянь чужысьясӧс, сувтлытӧг вӧтӧдісны да виалісны найӧс Гива карсянь асыввылын.
Венямин чужанкотырысь ловйӧн кольӧмаяс пышйисны овтӧминлань, Риммон изкырталань. Туйяс вылын израильсаяс виисны вит сюрс мортӧс, водзӧ вӧтӧдісны пышйысьясӧс Гидом карӧдз да виисны нӧшта кык сюрс мортӧс.
