26 Та бӧрын став израильса тышкайӧзыс локтісны Вефильӧ. Пукалісны сэні Господь водзын да бӧрдісны. Рытӧдзыс видзалісны, вайисны Господьлы сотан да бурасян висьяс.
Тайӧ местасӧ Яков нимтіс Вефильӧн, а таӧдз нимыс вӧлі Луз.
Лун чӧжнас йӧзыс матыстчылісны Давид дінӧ да вӧзйисны сылы сёйыштны. Но Давид кыв сетіс: «Енмыс мед ёна мыждас менӧ, ме кӧ шонді пуксьытӧдзыс босьта вомӧ няньтор либӧ нӧшта мыйкӧ».
Иосафат повзис. Сійӧ шыасис Господь дінӧ, а Иуда муын олысьяслы тшӧктіс видзавны.
Ахава ю дорын ме тшӧкті видзавны, медым раммӧдчыны асланым Ен водзын да корны Сійӧс видзны миянӧс, челядьнымӧс да став эмбур-озырлуннымӧс туяным.
Иудаса Ехояким ӧксылӧн, Иосей пилӧн, витӧд веськӧдлан воӧ ӧкмысӧд тӧлысьнас вӧлі юӧртӧма, медым Ерусалимын олысь став войтырыс, тшӧтш иудаса мукӧд каръясысь Ерусалимӧ локтысь став войтырыс видзалісны Господь водзын.
Урчитӧй вежа видзалан лунъяс, юӧртӧй ыджыд чукӧртчӧм йылысь. Коралӧй юрнуӧдысьясӧс да став войтырсӧ Господьлӧн, асланыд Енлӧн, крамӧ, сэні шыасьӧй Господь дінӧ.
Исус чукӧртіс Израильлысь став чужанкотырсӧ Сикемӧ, корис юрнуӧдысьясӧс, юралысьясӧс, ёрдысьясӧс да веськӧдлысьясӧс. Найӧ ставныс сувтісны [Господь] Ен водзӧ.
Исус косяліс паськӧмсӧ да кымынь уськӧдчис муас Господьлӧн куд водзӧ. Тадзи рытӧдзыс куйліс израильса юрнуӧдысьяскӧд. Юрнысӧ найӧ ставныс коялісны муӧн.
Израильсаяс локтісны Вефильӧ да юалісны Енлысь: «Кутшӧм чужанкотырлы колӧ медводдзаӧн петны Венямин чужанкотырлы паныд тышӧ?» Господь вочавидзис: «Иуда чужанкотырлы».
Веняминсянь чужысьяс петісны Гива карысь, уськӧдчисны израильсаяс вылӧ да виисны нӧшта дас кӧкъямыс сюрс шыпурта тышкамортӧс.
Израиль войтыр локтіс Вефильӧ. Сэні найӧ рытӧдзыс пукалісны Ен водзын да ырзӧмӧн гораа бӧрдісны.
Мӧд асывнас войтырыс чеччис водз, сувтӧдіс висьпуктанін да вайис сэні сотан да бурасян висьяс.
Мӧдӧдӧмаяс локтісны Гиваӧ, Сауллӧн чужан карӧ, да висьталісны войтырлы Нахашлысь кывъяссӧ. Ставныс ырзӧмӧн кутісны бӧрдны.
Израильсаяс локтісны Миспаӧ. Сэні найӧ гумлалісны ва да кисьталісны му вылӧ Господь водзын, тайӧн петкӧдлісны мыжсьыныс бергӧдчӧмнысӧ. Сійӧ лунӧ найӧ видзалісны да висьтасисны, ми пӧ мыж вӧчим Господьлы паныд. Тадзи Миспа карын Израиль войтыр чукӧртчис Самуил ёрдысь водзӧ.
