16 Венямин чужанкотырлӧн тышкайӧз пӧвстын вӧлі сизимсё шуйгун, кодъяс кужисны вывті бура изйӧн лыйсьыны, вермисны весиг мортлӧн юрси сіӧ веськавны.
Найӧ вермисны лыйсьыны изйӧн да ньӧвйӧн веськыд кинас и шуйга кинас. Найӧ вӧліны Венямин чужанкотырысь, Сауллӧн рӧдысь:
Став аслас тышкайӧзлы Озей дасьтіс сайӧдъяс, шыяс, юртупкӧдъяс, кӧрт кышӧдъяс, ньӧввужъяс да лыйсян изъяс.
Израильса тышкайӧзлӧн лыдыс вӧлі нёльсё сюрс шыпурта морт, кодъяс кужисны бура тышкасьны. На лыдӧ эз пыр Венямин чужанкотыр.
Но Израиль пиян шыасисны Господь дінӧ, и Господь сувтӧдіс Израиль пиянлы мездысьӧс, Венямин чужанкотырысь Герлысь Эхуд писӧ. Сійӧ вӧлі шуйгун. Израиль пиян мӧдӧдісны Эхудӧс моавса Эглон ӧксы дінӧ мынтыны вот.
Сійӧ босьтіс киас ассьыс бедьсӧ, бӧрйис шорысь вит шыльыд из да пуктіс нопъяс. Аслас нопйӧн да из лыйлан кӧвйӧн Давид петіс филистимсалы паныд.
Господь, тэнад Енмыд, видзас тэнсьыд олӧмтӧ дзескӧдысьясысь да тэнӧ вины корсьысьясысь, дзебас тэнӧ Аслас питшӧгас. А тэнӧ мустӧмтысьяслысь ловсӧ изйӧс моз Сійӧ шыбитас.
