4 Недыр мысти аммонсаяс петісны тышӧ Израиль войтырлы паныд.
Аммонсаяс чукӧртчисны да сувтісны Галаадӧ, а израильсаяс чукӧртчисны да сувтісны Миспаӧ.
Галаадын олысь войтыр да налӧн веськӧдлысьяс ӧта-мӧдныслы шуалісны: «Коді медводдзаӧн уськӧдчас аммон войтыр вылӧ, сійӧ и лоӧ став галаадса олысьяслӧн юралысьнас».
Аммон войтыр вуджис Йӧрдан ю, медым петны тышӧ Иуда, Венямин да Ефрем чужанкотыръяслы паныд. Израиль войтырлы вӧлі вывті сьӧкыд.
Сэки галаадса юрнуӧдысьяс мунісны, медым корны Еффайӧс бӧр локны Тов муысь.
[Тӧлысь мысти] локтіс аммон войтырысь Нахаш да кытшаліс Галаад муын Явис кар. Явис карын олысьяс шуисны Нахашлы: «Кӧртав миянкӧд бурасян йитӧд, и ми пондам кесъявны тэныд».
