16 Ме шуи, мый вын дорысь мывкыдлуныд бурджык, но гӧль мортлысь мывкыдлунсӧ мустӧмтӧны, сылысь кывъяссӧ оз кывзыны.
Озырлы аслас эмбурыс изкар кодь, гӧль мортӧс судзсьытӧмлуныс виӧ.
Мывкыд мортыд босьтӧ вынаяслысь карсӧ, жугӧдӧ стенсӧ, мый вылӧ найӧ лача кутісны.
Мывкыд мортыд вына, вежӧра мортыд асьсӧ ёнмӧдӧ.
Туйдӧдӧмыс да мывкыда олӧмыс месянь локтӧ, гӧгӧрвоӧмсӧ да вынсӧ ме сета.
Ныжмӧм чертӧ кӧ он лэчты, вынтӧ зэвтны ковмас. Мывкыдлуныд отсалӧ бурджыка уджтӧ вӧчны.
Мывкыдлуныд сьӧм моз видзӧ-сайӧдӧ, но тӧдӧмлуныд сьӧм дорысь бурджык, ӧд мывкыдалы сійӧ олӧм сетӧ.
Мывкыда мортӧс мывкыдлуныс вӧчӧ карса дас юралысь дорысь вынаджыкӧн.
Мывкыдлуныд шыпурт дорысь бурджык, но ӧти мыжа морт бырӧдӧ уна буртор.
