3 Шогсьӧмыд бурджык сералӧм дорысь, ӧд сьӧлӧмыдлы бур, кор чужӧмыд шог.
Сералӧм йылысь ме шуи: «Йӧйталӧм», гажӧдчӧм йылысь шуи: «Эм-ӧ сыысь бурыс?»
Мывкыд мортлӧн сьӧлӧмыс мунӧ сэтчӧ, кӧні кулӧма вӧсна бӧрдӧны, а вежӧртӧмлӧн – гажӧдчанінӧ.
Сійӧ шуис меным: «Эн пов, тэ муса Енмыслы! Лӧнь олӧм тэныд, ёнмӧдчы!» Кор сійӧ сёрнитіс мекӧд, ме вынсялі да шуи сылы: «Ыджыдӧй, водзӧ висьтав меным, тэ ӧд вынсьӧдін менӧ».
Шудаӧсь ті, ӧні тшыгъялысьяс, ӧд ті пӧтанныд. Шудаӧсь ті, ӧні бӧрдысьяс, ӧд ті понданныд серавны.
Курыд шог тіянлы, ӧні пӧтӧмаяс! Ті кутанныд на пыкны тшыглунсӧ. Курыд шог тіянлы, ӧні сералысьяс! Ті понданныд на шогсьыны-бӧрдны.
Миян сьӧкыдалӧмыс кокньыд, сӧмын регыдъя, но таысь вичмас миянлы помтӧм-дортӧм да бырлытӧм дзирдлун.
