11 Мый кольӧма, сійӧ вунӧ, а мый лоас, сійӧс вунӧдасны водзӧ чужысьяс.
Тэ дӧзмин войтыръяс вылӧ, бырӧдін лёк вӧчысьясӧс, вуштыштін налысь нимсӧ пыр кежлӧ.
Шулӧны, видзӧдлы пӧ, тайӧ – выльтор. Но тайӧ важӧн нин вӧлӧма, миянӧдз на вӧлӧма.
Мывкыдаӧс оз кутны казьтывлыны вежӧртӧмӧс дорысь дырджык. Коляс кад, и ставсӧ вунӧдасны. Мывкыдаӧс и вежӧртӧмӧс ӧтмоза кулӧмыс суӧ.
Ме аддзылі, кыдзи дзебисны лёк вӧчысьясӧс. Найӧ ветлывлісны вежаинӧ, но карса олысьяс вунӧдісны та йылысь. Вӧлӧмакӧ, и тайӧ весьшӧрӧ.
Ловъяяс тӧдӧны, мый куласны, а кулӧмаяс оз тӧдны нинӧм. Налы оз нин ло удждоныс, ӧд найӧс вунӧдӧма.
Сійӧ, мый Ме висьталі, збыльмис, а ӧні Ме юӧрта локтанаыс йылысь, висьтала тіянлы, мый эз на ло.
