7 Кристос Ас кӧсйӧм сертиыс миянлы быдӧнлы лышкыда козьналіс бурсетӧмсӧ.
Быдӧнлы сямыс-выныс серти сетас зарни сьӧм: ӧтилы вит талант, мӧдлы кыкӧс, коймӧдлы ӧти талант. Сэсся мунас.
Кодӧс Енмыс мӧдӧдіс, Сійӧ Енлысь кывъяссӧ висьталӧ, ӧд Енмыс Сылы лышкыда Ловсӧ сетӧ.
Меным сетӧм буралӧм вӧсна висьтала тіянлы быдӧнлы: энӧ мӧвпалӧй ас йывсьыныд вывті, коланасьыс унджык, но мӧвпалӧй ышнясьтӧг, Енмӧн сетӧм эскӧм сертиныд.
Ми, Енкӧд ӧтвыв уджалысьяс, корам тіянӧс: сибӧдӧй Енлысь буралӧмсӧ, мед сійӧ эз ло весьшӧрӧ.
Дерт, ті кывлінныд нин, мый меным сетӧма удж – вайны тіянлы Енсянь буралӧмсӧ.
Меным, став вежа войтыр пиысь медся тӧдчытӧмыслы, уси шуд висьтавлыны ентӧдтӧмъяслы Кристослӧн помтӧм-дортӧм озырлун йылысь Бур Юӧрсӧ
Тайӧ висьталӧмсӧ Енмыс ёнмӧдіс тадзи: висьталысьяс пыр Сійӧ петкӧдліс индысьпасъяс, вӧчис шензьӧданаторъяс да быдпӧлӧс ыджыд уджъяс, Ас кӧсйӧм сертиыс Сійӧ юкліс Вежа Ловсянь сетӧмторъяс.
Енмыслӧн сетӧмторйыс унапӧлӧс. Сійӧ быдӧнлы козьналіс сетӧмторсӧ, медым ті кесъялінныд ӧта-мӧдныдлы. Сідзкӧ, бур ногӧн вӧдитчӧй Енсянь сетӧмторнас.
