42 Кок чуньясыс тшӧтш вӧліны кыткӧ кӧртысь, кыткӧ сёйысь, тадзи жӧ юралӧмыс лоӧ кыткӧ зумыд, кыткӧ жеб.
Нӧшта тэ аддзылін кокъяс да кок чуньяс, кодъясӧс вӧчӧма кытсюрӧ сёйысь, кытсюрӧ кӧртысь. Тайӧ висьталӧ сы йылысь, мый нёльӧд юралӧмыс юксяс. Но сэні лоӧ мыйтакӧ кӧртлӧн чорыдлуныс, кыдзи тэ аддзылін, мый сёй пытшкас вӧлі кӧрт.
Тэ аддзылін, мый кӧртсӧ вӧлі сорлалӧма сёйкӧд. Тайӧ висьталӧ сы йылысь, мый ӧксыяс рӧдвужасясны ӧта-мӧдныскӧд, но войтыръясныслӧн оз ло ӧтувъялуныс, кыдзи кӧрт оз вермы сорласьны сёйкӧд.
А дас сюрыс висьталӧны сы йылысь, мый тайӧ юраланінас пондасны юравны дас ӧксы. На бӧрти кутас юравны нӧшта ӧти ӧксы, сійӧ пондас торъявны воддза ӧксыясысь да чӧвтас куим ӧксыӧс.
Сэсся ме сувті саридз дорӧ да аддзи саридзысь петӧм зверӧс. Сійӧ вӧлі сизим юра да дас сюра. Быд сюрын вӧлі ӧти юркытш, а юръясас вӧлі гижалӧма Енмӧс лёкӧдана нимъяс.
