7 Тӧдлытӧг тэ вылӧ уськӧдчасны найӧ, кодлы тэ уджйӧза, найӧ повзьӧдасны тэнӧ тіравмӧныд, и тэ шедан налӧн гыж улӧ.
Ӧлӧдӧм бӧрын коді асныралӧ, сійӧс тӧдлытӧг лоӧ жугӧдӧма, и сійӧ оз нин бурд.
Гу кодйысьыд ачыс сэтчӧ усяс, потшӧс кисьтысьӧс змей чушкас.
Ефремлӧн вежалӧмыс кусас, Иудаӧс мустӧмтысьясӧс лоӧ бырӧдӧма. Ефрем оз кут вежавны Иудалы, Иуда оз кут мустӧмтны Ефремӧс.
Войвывсянь Ме вайӧді мортӧс, и сійӧ локтіс. Асыввывсянь сійӧ чукӧстіс Менсьым нимӧс. Сійӧ талялӧ юралысьясӧс нюйтӧс моз, кыдзи гырнич вӧчысь талялӧ сёй.
Асыввывсянь Ме чукӧсті варышӧс, ылі муысь Ме чукӧсті сійӧс, коді збыльмӧдас Менсьым мӧвпыштӧмӧс. Ме шуи, и вӧча тайӧс, Ме мӧвпышті, и вайӧда помӧдз.
Но тэнӧ суас лёкыс, тэ весиг он тӧдлы, кытысь сійӧ локтас. Тэнӧ кытшалас ыджыд шог, тэ он вермы сійӧс вештыны. Виччысьтӧг тэнӧ суас бырӧдӧм, мый йылысь тэ весиг эн мӧвпыштлы.
– Ёсьтӧй ньӧвъяснытӧ, тыртӧй наӧн ньӧвпуртӧснытӧ. Господь ышӧдіс мидияса ӧксыясӧс тыш вылӧ, ӧд Сійӧ шуис бырӧдны Вавилон. Господь водзӧс перйӧ Вавилонлысь, водзӧс перйӧ Аслас крамыс вӧсна.
– Ме коддзытӧдзныс юктӧда вавилонса юралысьясӧс, тӧдысьясӧс, ыджыдалысьясӧс да тышкайӧзӧс. Найӧ унмовсясны пыр кежлӧ да оз садьмыны, – висьталӧ Ӧксы, кодлӧн нимыс Господь Саваоф.
– Ме мӧдӧда тіян пӧвстӧ яда змейясӧс, – висьталӧ Господь, – найӧ пондасны чушкыны тіянӧс, и нимкыв лыддьӧмныд оз вермы сувтӧдны найӧс.
Кор йӧзыс кутасны шуавны, гӧгӧр пӧ лӧнь, повнысӧ пӧ нинӧмысь, сэки тӧдлытӧг суас найӧс кулӧм, кыдзи тӧдлытӧг суӧ кага чужтысьӧс дой. Сэки некод оз вермы пышйынысӧ.
