17 Дугдывтӧг ӧмӧй сійӧ кутас тывъявны, жалиттӧг бырӧдны войтыръясӧс?
Господь чегъяліс лёк вӧчысьяслысь бедьсӧ, жугӧдіс ыджыдалысьяслысь юралан бедьсӧ.
Тайӧ бедьнас найӧ лёкысь нӧйтісны войтыръясӧс, дугдывтӧг вачкалісны найӧс, скӧрлунӧн ыджыдалісны на вылын, нем жалиттӧг дзескӧдісны найӧс.
Чери кыйысьяс кутасны бӧрдны, Нил ю дорын вуграсьысьяс – синва кисьтны, тывйӧн чери кыйысьяс шогӧ усясны.
Ливанӧс куштӧм-бырӧдӧмыд бергӧдчас ас вылад, пемӧсъясӧс виалӧмсьыд кутан повны-дзӧрны. Йӧзлысь вирсӧ кисьтӧмысь, муяс да каръяс пазӧдӧмысь, сэні став олысьсӧ виалӧмысь асьтӧ лоӧ бырӧдӧма.
