23 Ылыст Ме дінысь гора сьыланкывъястӧ, арфа шыястӧ Ме ог кӧсйы кывзыны.
Ваянныд кӧ Меным сотан да нянь висьяс, Ме ог сибӧд найӧс. Бурасян вись пыдди кӧ ваянныд тшӧгӧдӧм куканьясӧс, Ме ог видзӧдлы на вылӧ.
Но веськыда мыждӧмыс мед визувтас ва моз, веськыдлуныс – ю моз.
Ті лӧвтанныд-сьыланныд арфа улӧ, чайтанныд, мый Давид моз кужанныд ворсны.
Гажӧдчӧмнытӧ бергӧда шогсьӧмӧ, сьыланкывъястӧ – бӧрдӧмӧ. Ставнытӧ пасьтӧда шогалан паськӧмӧ, юрсинытӧ лоӧ шырӧма. Бӧрдӧмныд лоӧ ӧтка пи вӧсна бӧрдӧм кодь, тайӧ луныс лоӧ курыд шогӧн.
Сійӧ лунӧ гажӧдчан сьыланкывъяс вежсясны бӧрдӧмӧн, – висьталӧ Господь Ыджыдыс. – Быдлаын кутасны туплясьны шыбитӧм шойяс. Чӧв олӧй!
