Аггей 1:14 - Коми Библия 2023

¹⁴ Господь ышӧдіс Шеалтиэллысь Зоровавель писӧ, Иуда муын юралысьӧс, да Иоседеклысь Исус писӧ, аркирейӧс, тшӧтш коляс войтырсӧ, и найӧ локтісны да кутісны лэптыны Господь Саваофлысь, асланыс Енлысь, крамсӧ.

Аггей 1:14 交叉參考

1 Каднебӧг 5:26

Израильлӧн Ен ышӧдіс ассурса Пул ӧксыӧс, мӧд ногӧн кӧ, Тиглатпаласар ӧксыӧс, нуӧдны пленӧ Рувимсянь да Гадсянь чужысьясӧс да Манассейлысь джын чужанкотырсӧ. Найӧс вайӧдісны Халахӧ да Хараӧ, тшӧтш Хавор ю дорӧ да Гозанын визувтысь ю дорӧ. Найӧ ӧнӧдз на сэні олӧны.

2 Каднебӧг 36:22

Персияса Кир ӧксылӧн медводдза веськӧдлан воӧ иніс Господьлӧн кывйыс, мый Сійӧ висьталіс Еремей пыр. Господь ышӧдіс Кир ӧксыӧс гижны да ас му пасьталаыс юӧртны татшӧм тшӧктӧм:

Ездра 1:1

Персияса Кир ӧксылӧн медводдза веськӧдлан воӧ иніс Господьлӧн кывйыс, мый Сійӧ висьталіс Еремей пыр. Господь ышӧдіс Кир ӧксыӧс гижны да ас му пасьталаыс юӧртны татшӧм тшӧктӧм:

Ездра 1:5

Иуда да Венямин чужанкотыръясысь рӧдкутысьяс, попъяс да левитъяс – ставныс, кодӧс Ен ышӧдіс лэптыны Ерусалимын Господьлысь крам, лӧсьӧдчисны петны туйӧ.

Ездра 5:2

Сэки Шеалтиэллӧн Зоровавель пиыс да Иоседеклӧн Исус пиыс босьтчисны лэптыны Енлысь крамсӧ Ерусалимын. Енлӧн пророкъяс вӧліны накӧд да отсасисны налы.

Ездра 5:8

Юӧртам тэныд, ӧксыӧй, мый ми ветлім Иуда муӧ видзӧдлыны ыджыд Енлысь крамсӧ. Крамсӧ лэптӧны ыджыд изъясысь, стенсӧ эжӧны пӧвъясӧн. Уджыс мунӧ ӧдйӧ да бура.

Неемий 4:6

Карлысь стенсӧ ми лэптім водзӧ. Джынйӧдзыс сійӧс вӧлі кыпӧдӧма нин. Войтырыс став сьӧлӧмсяньыс уджаліс.

Псалтыр 110:3

Сылӧн уджъясыс ошканаӧсь да мичаӧсь, Сылӧн веськыдлуныс олӧ нэмъяс чӧж,

Аггей 1:1

Дарий ӧксылӧн мӧд веськӧдлан воӧ, квайтӧд тӧлысьлӧн медводдза лунӧ, Шеалтиэллӧн Зоровавель пилы, Иуда муын юралысьлы, да Иоседеклӧн Исус пилы, аркирейлы, Аггей пророк пыр вӧлі Господьсянь кыв:

Аггей 1:12

Зоровавель, Шеалтиэллӧн пиыс, да Исус аркирей, Иоседеклӧн пиыс, тшӧтш пленысь воӧм коляс войтырыс кывзысисны Господьлысь, асланыс Енлысь. Найӧ сибӧдісны-кывзісны Аггей пророклысь кывъяссӧ, ӧд Господь, налӧн Енмыс, мӧдӧдіс сійӧс на дінӧ. Войтырыс поліс-вежавидзис Господьысь.

Аггей 1:15

Тайӧ вӧлі Дарий ӧксылӧн мӧд веськӧдлан воӧ, квайтӧд тӧлысьлӧн кызь нёльӧд лунӧ.

Аггей 2:2

«Висьтав Шеалтиэллӧн Зоровавель пилы, Иуда муын юралысьлы, да Иоседеклӧн Исус пилы, аркирейлы, тшӧтш коляс войтырыслы:

Аггей 2:21

– Висьтав Зоровавельлы, Иуда муын юралысьлы: Ме вӧрзьӧда енэжсӧ и мусӧ,

1 Коринфӧ 15:58

Муса вокъяс, сулалӧй зумыда да вӧрзьывтӧг. Быд кадӧ кесъялӧй Господьлы сьӧлӧмсяньныд. Тӧдӧй, мый ті кесъяланныд Господьлы онӧ весьшӧрӧ.

2 Коринфӧ 8:16

Ошкӧм Енлы! Сійӧ пуктӧма Тит сьӧлӧмӧ тіян вӧсна ме кодь жӧ тӧждысьӧм.

Еврейяслы 13:21

Енмыс мед дасьтас тіянӧс быдпӧлӧс бур удж вылӧ, медым ті збыльмӧдінныд Сылысь кӧсйӧмсӧ. Исус Кристос пыр Сійӧ мед вӧчас тіян пытшкын ставсӧ, мый Сылы шогмана. Ошкӧм Сылы нэмъяс чӧж! Аминь.