2 Восьтӧй миянлы сьӧлӧмнытӧ, ӧд ми некодӧс эгӧ дӧзмӧдӧй, некодлы лёксӧ эгӧ вӧчӧй, некод помысь эгӧ озырмӧдчӧй.
Мӧисей ёна скӧрмис да шуис Господьлы: «Налысь вайӧмторъяссӧ эн сибӧд. Ме весиг ӧти осёлӧс эг босьтлы налысь, на пӧвстысь некодлы лёксӧ эг вӧчлы».
Оз кӧ сибӧдны-кывзыны тіянӧс, сэки сійӧ керкасьыс либӧ карсьыс петіганыд пыркӧдӧй коксьыныд буссӧ.
Тіянӧс сибӧдысь Менӧ сибӧдӧ, а Менӧ сибӧдысь сибӧдӧ Менӧ Мӧдӧдысьӧс.
Карӧ пыриганыд кӧ тіянӧс сибӧдасны, сёйӧй мый тіянлы сетасны.
Ме некодсянь эг виччысь эзысь-зарни либӧ кӧм-пась.
Татшӧм йӧзыс кесъялӧны оз Исус Кристос Господьнымлы, но асланыс рушкулы. Мича сёрнинас найӧ кокньыда ылӧдлӧны восьса сьӧлӧмаясӧс.
Ми ошйысям, мый тайӧ муюгыдас олысьяскӧд, торйӧн нин тіянкӧд, вӧлім восьсаӧсь да веськыдӧсь, олім Енлысь кывзысьӧмӧн. Та вӧсна миян сьӧлӧмным оз мыжды миянӧс. Ми ӧд эгӧ асланым мывкыд серти олӧй, миянӧн веськӧдліс Енлӧн буралӧмыс.
Нӧшта висьтала тіянлы: энӧ лыддьӧй менӧ йӧйӧн. А лыддянныд кӧ, сибӧдӧй менӧ татшӧмнас, мед ме верми на мыйтакӧ ошйысьны.
Ӧд став коланаторсӧ меным сетісны Македонияысь локтӧм вокъяс. Ме некор эг сьӧктӧдлы, и ог кут сьӧктӧдны тіянӧс.
Ми огӧ вӧчӧй гусясӧ да янӧданасӧ, огӧ ылӧдчӧй, Енлысь кывсӧ висьтавлам торкавтӧг. Ми восьсӧн висьталам збыльсӧ да быдӧнлы сетам донъявны асьнымӧс Ен водзын.
Сибӧдӧй Епафродитӧс нимкодьпырысь, ӧд сійӧ кесъялӧ Господьлы. Татшӧм йӧзсӧ вылӧ донъялӧй.
Чолӧм тіянлы Аристарксянь, сійӧ мекӧд ӧтлаын пукалӧ дзескыдінын. Чолӧм ыстӧ тшӧтш Варнавалӧн Марк нима воча вокыс. Тіянлы ме гижлі сы йылысь, мися, локтас кӧ, сибӧдӧй сійӧс.
Ті тӧданныд, и Енмыс тӧдӧ, мый тіян дінын, эскысьяс пӧвстын олігӧн, ми ставсӧ вӧчим веськыда да вежавидзӧмӧн, миянӧс нинӧмысь вӧлі мыждынысӧ.
Сибӧд сійӧс сьӧлӧм бердысь чуктӧдӧмторйӧс моз.
Тэ кӧ шуан менӧ аслад вокӧн, сибӧд сійӧс менӧ моз.
Тіян дінӧ локтысь кӧ вайӧ мӧд велӧдӧм, энӧ сибӧдӧй сійӧс керка помад, весиг энӧ чолӧмасьӧй сыкӧд.
