10 Соломон ӧксылӧн вӧлі кыксё ветымын морт, кодъяс юралісны-веськӧдлісны сылӧн войтырӧн.
Став уджнас веськӧдлісны куим сюрс куимсё морт.
Соломонлӧн вӧлі витсё ветымын морт, кодъяс юралісны-веськӧдлісны сылӧн уджалысьясӧн.
На пиысь сизимдас сюрсӧс Соломон индіс кыскавны-ваявны изъяс, кӧкъямысдас сюрсӧс – керавны-перйыны изъяс, а куим сюрс квайтсё мортӧс индіс уджалысьяс бӧрся видзӧдны.
Фараонлысь нывсӧ Соломон вуджӧдіс Давид карысь сылы вӧчӧдӧм керкаӧ. Соломон шуис: «Менам гӧтырӧйлы оз позь овны израильса Давид ӧксы керкаын. Тайӧ керкаыс вежа, ӧд татчӧ коркӧ вайлісны Господьлысь Йитӧд кудсӧ».
Израильсаясӧс Соломон эз пуктыв кесйӧгъясӧн. Ӧксылы найӧ кесъялісны веськӧдлысьясӧн да тышкайӧзӧн, веськӧдлісны тарантаса тышкайӧзӧн да верзьӧмаясӧн.
