2 Каднебӧг 7:2 - Коми Библия 2023

² Попъяс эз вермыны пырны Господьлӧн крамӧ, ӧд крамыс вӧлі тырӧма Господьлӧн дзирдлунӧн.

2 Каднебӧг 7:2 交叉參考

Ӧксыяслӧн 3 небӧг 8:10

Кор попъяс петісны Вежаинысь, Господьлысь крамсӧ тыртіс кымӧр.

2 Каднебӧг 5:13

Труба шыыс да сьылан шыыс юргисны ӧтмоза, ӧти шыӧн. Тадзи найӧ ошкисны-нимӧдісны Господьӧс. Кор кыліс трубалӧн тутсан шыыс, кимваллӧн да мукӧд ворсанторлӧн шыыс, кор пондісны сьывны-ошкыны Господьӧс: «Сійӧ бур, Сылӧн буралӧмыс оз помасьлы», сэки Господьлысь крамсӧ тыртіс кымӧр.

2 Каднебӧг 5:14

Кымӧр вӧсна попъяс эз вермыны водзӧ кесъявны, ӧд Господьлӧн дзирдлуныс тыртіс крамсӧ.

Псалтыр 26:8

Ме ог вунӧд Тэнсьыд кывъястӧ. Тэ шуин: «Корсьӧй Менсьым чужӧмбанӧс». Господьӧй, ме кута корсьны Тэнсьыд чужӧмбантӧ.

Петӧм 24:17

Израиль пиян аддзылісны Господьлысь дзирдлунсӧ. Дзирдлуныс вӧлі керӧс вылын сотысь би кодь.

Исай 6:5

Сэки ме шуи: «Курыд шог меным, менӧ виччысьӧ кулӧм! Ме ӧд пеж вома морт, ола пеж вома войтыр пӧвстын, но ме аддзылі Ӧксыӧс, Господь Саваофӧс».

Восьтӧм 15:8

Енлӧн дзирдлунысь да Сылӧн вынысь крамыс тырис тшынӧн. Крамас некод эз вермы пырнысӧ, кытчӧдз эз помась сизим анделлӧн сизим бырӧданторйӧн удж вӧчӧмыс.